Masalimo 146:6 - Mawu a Mulluku

⁶ oophatusa oddullu ni ellapo yavatthi, enyanja ni ddittheddene ddiri mwemmo. Ennasunga malonjezwiiwa enthawi ettheene,

Masalimo 146:6 Iomraidhean Croise

Genesis 1:1

Vawaambawaamba Mulluku aaphatusa oddullu ni ellapo yavatthi.

Masalimo 100:5

Vallethi Apwiya tti aphaama, echikondiiwa yoohisintheya tti ya enthawi yoohimalla, ororomelleya wiwa tti wa mibado ddittheddene.

Masalimo 115:15

Yuudaliseni Apwiya, ayo yaphatusalle oddullu ni ellapo yavatthi.

Masalimo 117:2

Vawi echikondiiwa wa hiyaano tti yoohisintheya, ororomelleya wa Apwiya tti wa enthawi yoohimalla. Aleluya!

Masalimo 33:6

Oddullu waaphatusiwa ni mawu a Apwiya, nndduwa, mweeri ni etheneeri ddaaphatusiwa ni mpweyiiwa.

Masalimo 89:2

Vawi kinnallota wi “Echikondaanyu yoohisintheya yookeraattheya wa enthawi yoohimalla, ororomelleya wanyu tti yoollipa wonanko eddullu.”

Masalimo 89:33

Koma ngiwa kimuvenyihella echikondaaka yoohisintheya, ngiwa kikhalla oohiroromelleya wa olliye.

Masalimo 95:5

Enyanja tti yayiwa vawi tti alliwa yayiphatusalle, mutunda tti wayiwattho vawi tti alliwa yawupangille.

Masalimo 98:3

Ahuupuwella echikondiiwa yoohisintheya ni ororomelleya wiwa o enyumba ya Israele. Athu a wookomella ellapo yavatthi otthewene ahoona ovullusa wa Mullukwaahu.

Eksodo 20:11

Valle va mallapo matthanu ni nimodda Apwiya yaaphatusa oddullu, ellapo yavatthi, enyanja ni ddittheddene ddiri mwemmo koma va nllapo naneetthanu ni piilli ahiithuuwa. Sika ekaambiiwa Apwiya yadalisalliiwa nllapo na Sabata ni onipatula wi nikhalle naweella.

Yeremiya 32:17

“Ha! Nyu Apwiya Mulluku! Nyu sika mwaphatusalle ellapo yavatthi ni eddullu ni masivaayu muullupalli ni muwonwaanyu weekophollo nave kheyiivo muhinaworeenyu weera.

Daniele 9:4

Kaavekella wa Apwiya Mullukwaaka, waakhullella machimo wi, “Nyu Apwiya Mulluku muullupalli ni awoopiha, munnasunga echipanganwaanyu ni echikondaanyu yoohisintheya wa athu ayo enuukondani ni othwara malamulwaanyu.

Mika 7:20

Muneerewooniha ororomelleya wanyu va Yakobo ni echikondaanyu yoohisintheya va Abrahamu monga mwallupenlleenyu khalle wa makhollwaahu.

Yohane 1:3

Mulluku aaphatusa ddeko ddittheddene oweella mwa Mawu nave kheyiivo ello naari emodda yaphatusiwe yahaarikivo yaayo.

Yohane 10:34

Yesu ahaakhulla wi, “Moolembiwa m'malamulwaanyu wi Mulluku aallota wi, ‘Nyuwaano tti milluku.’

Mitteko 14:15

“Athu nyu muneerella tini ddenndda? Hiyaano tti athu wonanko nyuwaano! Niwiille wi nillalleye othenga waphaama, wawi nyuwaano muhiye milluku ddoohikhalla ni mutteko nave muwe wa Mulluku Ookumi, oyo aphatusalle oddullu, ellapo yavatthi, enyanja ni ddittheddene ddiri mwemmo.

Deuteronomo 7:9

Ekaamba ya yeella upuwellani wi Apwiya Mullukwaanyu tti Mulluku mmoddave nave tti oororomelleya. Olliye aneerosunga echipanganwaaye nave aneerewooniha echikondi yoohisintheya wa athu a mibado ddooheerengeya dda ayo enamukonda olliye ni wiiwellella malamulwaaye.

Akolose 1:16

Vawi oweella mwa olliye Mulluku aaphatusa erive ello oddullu ni va ellapo yavatthi, ddeko ddoohooneya ni ddawooneya, oolamulella attheene ni masiva mattheene ooddullu. Mulluku aaphatusa erive ello oweella mwa olliye ni wa yooyo.

Tito 1:2

mootiyerella okumi woohimalla, oyo Mulluku oohoottha, aanilonjezilleeye enthawi ehinaambe.

Aheberi 6:18

Mwawi ddiidda vookhalla ddeko piilli nndda, ollupella ni olonjeza. Khaddisinthiwa nave ddinnooniha wi Mulluku khoottha. Sika wa hiyaano nathawenlle wa olliye naaphwanya ollipihiwa murima wuullupalli wi niphare moollipa etiyerello eyo ninaakhelleehu muhoollo.

Yawuupullulla 14:7

Aallota ni mawu oowella wi, “Mooveni Mulluku nave mutitimiheni vawi enthawi yawi eeruze yoophiya. Mullapelleni olliyooyo aphatusalle oddullu, ellapo yavatthi, enyanja ni aneetuutu!”