Masalimo 146:10 - Mawu a Mulluku

¹⁰ Apwiya eneerokhalla mwene wa enthawi yoohimalla, we Ziyoni, Mullukwaawo aneerolamulella wa mibado ddittheddene. Aleluya!

Masalimo 146:10 Iomraidhean Croise

Masalimo 10:16

Apwiya sika mwene wa enthawi yoohimalla. Mu ellapo ya Mulluku, oohimullapella eneerotthollowa.

Masalimo 145:13

Omwenaanyu tti omwene wa enthawi yoohimalla, olamulellwaanyu tti wa mibado ddittheddene. Apwiya tti oororomelleya va mawiiwa mattheene, tti eechifundo va ddaweera ddiwa ddittheddene.

Masalimo 147:12

We Yerusalemu, atitimihe Apwiya, we Ziyoni, muriihe Mullukwaawo.

Eksodo 15:18

Nyu Apwiya, muneerokhalla mwene wa enthawi yoohimalla.”

Yesaya 12:6

Nyu athu a o Ziyoni, khuwani ni wiipa moohakallalla vawi Aweella a Israele tti muullupalli variyari vanyu.”

Yesaya 40:9

We oollalleya othenga waphaama o Yerusalemu, wella va mwaango woorekama. We oollalleya othenga waphaama o Ziyoni, khuwa mwamasiva. Welliha mawu, ohoove, olleelle mizinda dda o Yuda wi, “Olla sika Mullukwaanyu!”

Yesaya 52:7

Tti woohakallalliha owa wa oollalleya othenga waphaama, voomoonani eetaka m'miyaangoni, allalleyaka dda murendelle, awaakana epilli yaphaama, allalleyaka ovullusa, aalleellaka athu a o Ziyoni wi, “Mullukwaanyu tti mwene!”

Yesaya 9:7

Olamulello ni murendellaaye ddineerovirellella waata, aneerokhalla va mpando wa mwene Davide, aneerokeraatthiha ni ollipiha omwenaaye, vaweerani ddoolungama ni ddaphaama waambeella enthawi yeeyo wa enthawi yoohimalla. Ni murimiiwa muttheene Apwiya Amasiva Mattheene yoosimikiza okwakhwanihella ddenndda.

Daniele 2:44

Va enthawi ya moomwenaayo, Mulluku ooddullu aneerokeraatthiha omwene woohoonongiwa. Oneerewaaphwinya ni waatthollosa moomwene mamodda mattheene nave omwenooyo weekhiiwa oneerokhalla wa enthawi yoohimalla.

Daniele 6:26

Kinakeraatthiha lamulo nawi athu attheene a mu omwenaaka emooveke ni omuvaha olemu Mulluku a Daniele. Olliye tti ookumi ni oohimalla, omwenaaye khowa woonongeya, olamulellwaaye khowa omalla.

Daniele 7:14

Vano aavahiwa olamulello, olemu ni omwene wi athu a ellapo ddittheddene, mitundu ddittheddene ni ellotello ddoohiyanahiyana yaanamurumeyella. Olamulellwaaye tti wa enthawi yoohimalla, khowa omalla nave omwenaaye khowa woonongeya.

Yowele 3:17

Vano we Israele, oneerodduwella wi, mi tti Apwiya Mullukwaawo oyo kinakhalla o Ziyoni, mwaangwaaka waweella. Yerusalemu anaakhalle oopatuleya, adani khewa emugonjihattho.

Yawuupullulla 11:15

Nave mungelo aneetthanu ni piilli ahoopa nipallapata naye. Nave kahiiwa mawu oowella ovenyera oddullu oollota wi, “Omwene wa ellapo yavattheella tti wa Apwiihu ni wa Mesiyaaye.* Nave Apwiihu eneerolamulella wa enthawi ddoohimalla!”