Masalimo 139:2 - Mawu a Mulluku

² Munnadduwella kaakeraatthiki, kaavenyaka, munnadduwella maganizwaaka muri wuuteete.

Masalimo 139:2 Iomraidhean Croise

Genesis 16:13

Sika Hagara ahaaromolla Apwiya yallotille ni olliye wi, “Nyuwaano tti Mulluku Awoona,” vawi aallota wi, “Vano koomoona oyo anakoona nave kookhallave ni okumi.”

2 Mamwene 19:27

Koma kinnadduwella nko onakhalleewe, erive ello oneereewe ni okishella murima wawo.

2 Mamwene 6:12

Mmodda mwa endunannddo ahaakhulla wi, “Apwiya, khaavo naari mmodda, apwiya. Koma Elisha namallotella a o Israele sika anamulleella mwene a o Israele mawu ayo munalloteenyu okhwipi muchipindani mwanyu.”

Masalimo 44:22

Koma mallapo mattheene ninnoopopihiwa wi niiphiwe ekaamba ya nyuwaano, nineesiwa wonanko enkhosa ddinaya wawiiphiwa.

Masalimo 56:8

Munneerenga othawathawa waka, sungani miitthori ddaka m'munoni mwanyu. Ethiyo nndda khaddilembiwe munibukhuni mwanyu?

Masalimo 94:11

Apwiya ennadduwella maganizo a athu wi tti oohikhalla ni mutteko.

Miyambo 15:3

Miittho a Apwiya eri virive veko waawehesesa athu oonanara ni aphaama.

Yesaya 37:28

Koma kinnadduwella nko onakhalleewe, erive ello oneereewe ni okishella murima wawo.

Ezekiele 11:5

Vano Munepoolle aakiphara akilleella wi, “Ollote wi Apwiya enaallota wi, ‘Nyu a munibanjani na Israele, kinnadduwella nnddo ddiri m'murimani mwanyu.

Ezekiele 38:17

Mi Apwiya Mulluku kinallota wi, “Ethiyo weyaano khe olle kallonteemi dda weyaano mallapo akhalle oweella mwa oorumeyellaaka, anamallotella a o Israele? Va miyakha ddinchichi alliwa yaanallotella wi kineeroweeriha wi ollipane ni Aisraele.”

Zekariya 4:10

Ethiyo ttaani avevullalle nllapo na ddeko dding'onong'ono? Athu yamoona Zerubabele akusalle nlluku noomallihanne m'mattani mwaye eneerohakallalla.” Mungelo aakilleella wi, “Enyali dditthanu ni piilli tti miittho a Apwiya ayo enawehaweha va ellapo yavatthi ettheene.”

Mateyu 9:4

Koma Yesu aadduwella maganizwiiwa sika ahaakoha wi, “Kaambiiwa tini munaganizeenyu ddeko ddoonanarannddo?

Luka 9:47

Yesu aadduwella wi yaamavaanyihana, sika aamukusa mwaana amwiimesa vakhwipi vaye.

1 Akorinto 4:5

Sika muhimweeruze arive muthu enthawi yoophwanella ehinakwakhwane, owa wa Apwiya. Eneerewooniha ddawiipittheya dda mwiipiphini nave eneerewuupullulla maganizo a athu. Nave attheene eneerewaakhella ntitimiho naye na wa Mulluku.

Deuteronomo 31:21

Sika ddoohoosa ddawoopiha ddaamorella, nchipo nenna ninaakhalle wonanko omboni wowaavaanyiha ekaamba yawi edduullu ddiwa ddineerekewiipave. Vawi kinnadduwella nnddo enaganiziiwa naari kihinaavollochihe mu ellapo eyo kallupenlleemi wi kineerewaavaha.”