Masalimo 137:3 - Mawu a Mulluku

³ Wenko ooniphara okaporo yaaniveka wi niipe nchipo, oonihoosa yaaniwatihera wi nihakallalle voollotani wi, “Nganiipelleni machipo a o Ziyoni.”

Masalimo 137:3 Iomraidhean Croise

1 Epilli 15:27

Nave Davide aari awarille mukanjo wabafuta wonanko mmo yawarelle Alevi ayo yatukhulla nibokosi na echipangano navettho athu awiipa machipo woonjereravo Kenaniya oohoollella machipo. Sika Davide aawarattho Efodi.

1 Epilli 16:7

Vano nllapo nenno Davide aganizalle wi ello yawaamba ekhalle wiipa machipo owaathokoza Apwiya moohoollelliwa ni Asafu ni akhwaaye.

Nehemiya 4:2

Nave aallota vamiitthoni va abalaaye ni vamiitthoni va mulloko wakhoto wa o Samariya wi, “Ethiyo Ayuda oohikhalla ni muttekwaalla eneeravo tini? Ethiyo enaganiza wi ttuumakattho muzindoolla? Ethiyo ttuuvelleellattho mikutho? Ethiyo ttuumalliha nllapo nimodda? Ethiyo ttuuvenyihattho malluku akhalle m'matepeni ayo eshille?”

Masalimo 65:1

Nyu Mulluku, athu eneerekewuutitimihani o Ziyoni, ddawoona, eneereweera nnddo yallupenlliiwa wa nyuwaano.

Masalimo 79:1

Nyu Mulluku, athu a mitundu ddimodda aavollweella mu yoohallanaanyu, aaripiha enyumbaanyu yaweella aamutthattusa Yerusalemu ntepe.

Masalimo 80:6

Moonitthattusa ello yoovevuwa wa mitundu ddoonaapheella, adanaahu yakhalla vamodda ennanittheya.

Masalimo 9:14

wi kithokoze mitteko ddanyu ddittheddene variyari va athwaanyu mu Ziyoni. Ddawoona, kinnahakallalla kaambiiwa mookivullusa.

Miyambo 25:20

Omwiipella nchipo muthu oyo anamoriwa ethakaraka tti wonanko omurulla ddoowara mu enthawi yooriirya apaalle omuhella mwiinyu vanikhwatani.

Yesaya 35:10

Ayo Apwiya yawooponlliiwa eneerohokollowa, eneerophiya o Ziyoni yiipaka moohakallalla. Wenko eneerohakallalla wa enthawi yoohimalla, eneerothapella ni ohakallalla, ethakaraka ni winlla ddineeromalla.

Yesaya 51:11

Ayo mwawooponlleenyu eneerohokollowa, eneerophiya o Ziyoni nchipo niri vayanoni, othapella woohimalla eneerewooneya va ekhove ddiwa. Eneerokhalla ni ehakallallo ni ottaphuwa, ethakaraka ni wiipullella ddineeromalla.

Yeremiya 26:18

“Enthawi eyo Hezekiya aariiye mwene a o Yuda, Mika a o Moresheti aallotella. Nave ahaalleella athu attheene a o Yuda wi Apwiya Amasiva Mattheene enallota wi, ‘Ziyoni aneerollimiwa wonanko emata, Yerusalemu aneerotthattuwa ntepe nave mwaango wa enyumba ya Apwiya oneerotthattuwa otthako.’

Yeremiya 9:11

Apwiya yaallota wi, “Yerusalemu kineeromutthattusa ntepe, kineeromutthattusa mookhalla akhatwe. Mizinda dda o Yuda ddineerohiyiwa, khamukhalla athu.”

Mika 3:12

Sika vano ekaamba ya nyuwaano, Ziyoni aneerollimiwa wonanko emata, Yerusalemu aneerotthattuwa ntepe nave mwaango wa enyumba ya Apwiya oneerotthattuwa otthako.

Luka 21:6

“Ddittheddene munooneenyundda, mallapo eneerophiya awi khavikhalla nlluku naari nimodda va nikhwaaye nihinaamorihiwe.”