Masalimo 136:9 - Mawu a Mulluku

⁹ Yaaphatusa mweeri ni etheneeri wi ddilamulelleke mahiiyu, echikondiiwa yoohisintheya tti ya enthawi yoohimalla.

Masalimo 136:9 Iomraidhean Croise

Genesis 1:16

Vano Mulluku aaphatusa yoomolleella yuullupalli, nndduwa wi nilamuleke voomolleellani otthaana. Aaphatusattho yoomolleella eng'onong'ono, mweeri wi olamulelleke voomolleellani mahiiyu. Aaphatusattho etheneeri.

Yobu 31:26

Nginallapelleke nndduwa noopaka apaalle mweeri owanle mooreera.

Masalimo 74:16

Mwaaphatusa otthaana ni mahiiyu, mwaahiya nndduwa ni mweeri m'mapuroni mwiwa.

Masalimo 8:3

Kaawehaka oddullu nko mwapangilleenyuwo, mweeri ni etheneeri mwaddiikaatthilleenyuwo

Masalimo 8:4

kinniikoha wi, “Muthu ttaani wi mumuupuwelleke? Muthu ttaani wi mumpwatheke?”

Yeremiya 31:35

Apwiya ennoopiha nndduwa otthaana, ennawalihattho mweeri ni etheneeri mahiiyu. Ennaviddulla enyanja, wi mafundiiwa enyakulle, nnddina niwa tti Apwiya Amasiva Mattheene.