Masalimo 136:8 - Mawu a Mulluku

⁸ Yaaphatusa nndduwa wi nilamulelleke otthaana, echikondiiwa yoohisintheya tti ya enthawi yoohimalla.

Masalimo 136:8 Iomraidhean Croise

Genesis 1:16

Vano Mulluku aaphatusa yoomolleella yuullupalli, nndduwa wi nilamuleke voomolleellani otthaana. Aaphatusattho yoomolleella eng'onong'ono, mweeri wi olamulelleke voomolleellani mahiiyu. Aaphatusattho etheneeri.

Masalimo 148:3

Nyu nndduwa ni mweeri, atitimiheni, nyu etheneeri ddittheddene ddoowala, atitimiheni!

Masalimo 74:16

Mwaaphatusa otthaana ni mahiiyu, mwaahiya nndduwa ni mweeri m'mapuroni mwiwa.

Yeremiya 31:35

Apwiya ennoopiha nndduwa otthaana, ennawalihattho mweeri ni etheneeri mahiiyu. Ennaviddulla enyanja, wi mafundiiwa enyakulle, nnddina niwa tti Apwiya Amasiva Mattheene.

Mateyu 5:45

wi moonihe wi muri anamwani a Attiitthaanyu ooddullu. Vawi annoopiha nndduwa wa athu oonanara ni aphaameene nave annamurupiha murimu wa ayo eneera ddoonanara ni wa ayo eneera ddaphaama.