Masalimo 131:1 - Mawu a Mulluku

¹ Nyu Apwiya, murimaaka tti woohiitukhulla, miitthwaaka tti oohikota, nginakuseya murima ni ddeko ddavaddullu ni ddoottikhiniha.

Masalimo 131:1 Iomraidhean Croise

2 Samuele 6:22

Kineerewiivevulla okhwaranya vaava. Nave kinaakhalle oovevuwa m'mwiitthoni mwawo koma m'mwiitthoni mwa allupa mutteko aatthiyana onawaakewaayo kinaakhalle ooriiheya.”

Yobu 42:3

Mwaakikoha wi. ‘Ethiyo ttaani ananariha malangizo ahidduwellaka erive ello?’ Ddawoona, kaallota nnddo kahidduwelleemi ddoottikhiniha nnddo kahiddiweseselliime phaama

Masalimo 101:5

Muthu oollota ddoomunanariha mukhwaaye okhwipi kineeromumaalliha, ookota ni awiitukhulla ngimuhiyerera.

Masalimo 122:1

Kaahakallalla yakilleelliiwa wi, “Hankoni o enyumba ya Apwiya.”

Masalimo 124:1

Apwiya ahikhanlleke o embalaahu, a Israele ellote ddiiddo vano,

Masalimo 133:1

Ngoonani, tti wooddiva ni woohakallalliha athu yakhalla amodda moobale!

Masalimo 139:6

Ezeru ddenndda tti ddookittikhiniha, tti ddoowallamella, ngiwora oddiphiyera.

Miyambo 21:4

Wiitukhulla ni wiinyarulla tti enyali ya oonanara, tti nichimo.

Yeremiya 17:16

Koma Apwiya mi nguuwatihereni wi muweena ddoohoosa. Munnadduwella wi nllapo na otulli nginanikhallella munkhella nave ddittheddene nnddo kallotilleemi munnaddidduwella.

Yeremiya 45:5

Ethiyo onnaddaashera ddaphaama? Oheereke ddiiddo. Kineerewaamorihella otulli athu attheene ddoonanara koma weyaano kineerovittha okumaawo orive weko oneeriiwa oyeewo. Mi Apwiya koollota.”

Numeri 12:3

Mose aari awiiyeviha omukhwaranya arive muthu va ellapo yavatthi.

Mateyu 11:29

Mukiiwellelleke miyaano wonanko eng'ombe ddatukhulla nigoli.* Navettho muhuddere wa miyaano kaambiiwa miyaano tti oomaalleya ni owiiyeviha, sika muneerewiithuuwa.

Mitteko 20:19

Kahaarumeyella Apwiya mowiiyeviha nave naari omora miitthori enthawi ya ddookatamiha ayo yawiille ekaamba ya Ayuda amodda ayo yiiwanana wi ekiiphe.

Aroma 11:33

Eyuuma ya Mulluku tti yinchichi! Ezeru ddaye ni odduwella waye tti ddoowallamella! Khaavo anaawore wiiwesesa echiweruzwaaye! Khaavo anaawore wiiwesesa ettilla ddaye!

Aroma 12:16

Mukhalleke mwawiiwanana mmodda ni mukhwaaye. Nave muhiitukhulleke koma mwaakhullelle weera ddeko ddawiiyeviha nave muhiganizeke wi muri eezeru.

Deuteronomo 17:20

Ddenndda ddineeromukavihera odduwella wi olliye khanaphwanella wiitukhulla variyari va Aisraele navettho iiwellelleke malamulo, oohirukunuwella onnattanatta apaalle wuunyotthoni. Sika wi olliye vamodda ni edduullu ddaye ddene aneerolamulella enthawi yoorekama.

1 Atesalonika 2:10

Nyuwaano tti ambonaahu ni Mullukuttho wi makhallellwaahu wa nyuwaano munakhulupilila, yaari aweella, oolungama ni oohikhalla ni yoolakwa.

1 Samuele 16:13

Samuele aakusa yookusellamo makhura, amuzoza vamiitthoni va asinne. Nave Munepa wa Apwiya waamuvollowa Davide mwamasiva waambeella nllapo nenno oya muhoollo. Vatulli viwa Samuele aatimulla oya o Rama.

1 Samuele 16:18

Mmodda mwa allupa muttekwaayo aallota wi, “Koomoona mwaana aamullopwana a Yese o Betelehemu oyo ari ni eruso yoomwiipa gitala, muthu oollipa murima, ooreera, akhoto ni oochenjera voollotani. Nave Apwiya eri ni olliye.”

1 Samuele 16:22

Saulo aarumiha mawu wa Yese wi, “Davide akhalle ookirumeyellaaka vawi koomweerella echifundo.”

1 Samuele 17:15

Koma Davide aanaya omisasani dda Saulo eeddiiddo aanahokollweella o Betelehemu woochiha enkhosa dda attiitthinnya.

1 Samuele 18:23

Enduna dda Saulo ddaamulleella Davide mawu yaalla. Koma olliye aallota wi, “Ethiyo muneesa mattheella okhalla mukamwene a amwene? Khamunoona wi miyaano kiri oohoowa ni oohivuwa?”