Masalimo 127:3 - Mawu a Mulluku

³ Ddawoona, anamwani tti emphaso yoovenyera wa Apwiya, edduullu tti yoothuviwa yoovenyera wa alliwa.

Masalimo 127:3 Iomraidhean Croise

Genesis 1:28

Ahaadalisa athwaayo vawaalleellani wi, “Muyarane wi mwaate, muddalle va ellapo yavatthi wi muyilamulelleke. Mulamulelleke va ddamunyanja, epallame ni enama ddittheddene ddinakhalla va ellapo yavatthi.”

Genesis 24:60

Nave yaamudalisa Rebekooyo voollotani wi, “Weyaano murokorihu, Apwiya yuudalise wi okhalle moowe a athu awaata wunchichi. Edduullu ddawo ddineerewaagonjiha adaniiwa.”

Genesis 33:5

Esau atukhullalle miittho, aawoona atthiyana ni anamwanaalle nave aakoha wi, “Athu alla eri ni weyaano tti awani?” Yakobo ahaakhulla wi, “Apwiyaaka, alla tti athu ayo Mulluku akivahilleeye mwa echifundwaaye.”

Genesis 4:1

Adamu aakona ni mwaariye Heva nave mutthiyanooyo aakusa erukullu. Sika aamuyara mwaana aamullopwana nave aallota wi, “Koomwaakhella mwaana mookaviheriwa ni Apwiya.” Sika mwaanooyo yaamuvaha nnddina nawi Kaini.

Genesis 48:4

Nave aakilleella wi, ‘Kineerewuuvaha wi okhalle nikhollo nuullupalli na mitundu ddinchichi dda athu. Ellapweella kineerovaha edduullu ddawo wi ekhalle yayiwa wa enthawi yoohimalla.’ ”

2 Samuele 3:5

Nave mwanaye aneetthanu ni mmodda aari Itireamu oovenyera mwa mwaariye Egila. Yaalla sika anamwani a Davide ayo yayariwe o Hebroni.

1 Epilli 28:5

Sika Apwiya aakivaha anamwani anchichi nave mwa attheenaayo aamutthoolla Solomoni wi akhalle va mpando woomwene wa Apwiya wi alamulelle Israele.

1 Epilli 8:40

Anamwani aallopwana a Ulamu yaari akhoto amasiva, athu amiira. Yaakhallattho ni anamwani ni edduullu 150. Attheenaalla yaari Abenjamini.

Yobu 1:2

Ahaayara anamwani aallopwana atthanu ni eelli ni anamwani aatthiyana araru.

Yesaya 13:18

Eneerowiipha asombwe ni miira ddiwa nave kheweerella echifundo naari anamwani awaamwa.

Yesaya 8:18

Ngoonani, kiri mva vamodda ni anamwani kavahiweemi ni Mulluku. Niri echizindikiro ni ddoodduwelliha wa Aisraele ddoovenyera wa Apwiya Amasiva Mattheene ayo enakhalla va mwaango wa Ziyoni.

Deuteronomo 28:11

Apwiya eneerewuudalisani ni ezipaso dda m'mwiillini mwanyu ddinchichi, eziweto ddinchichi navettho ddoohata ddinchichi. Eneerewuuvahani ddittheddenenndda mu ellapo eyo yallupenlliiwa wa makhollwaanyu wi eneerewuuvahani.

Deuteronomo 28:4

“Apwiya eneerodalisa ezipaso dda m'mwiillini mwanyu, ezipaso dda m'matani mwanyu ni asaana a eziweto ddanyu.

Oweeruza 12:9

Olliye aakhalla ni anamwani aallopwana 30 ni aatthiyana 30. Ahaatthelliha anaaye 30 wa athu ayo ehiri a nlloko naye. Nave ahaakusella anaaye 30 aallopwanaalle atthiyana eelleto yaatthella. Ibizani ahaahoollella Aisraele wa miyakha mitthanu ni miilli.

1 Samuele 1:27

Mwaanoolla kaarimamuveka nave Apwiya yaakivaha eyo kavekilleemi.