Masalimo 127:2 - Mawu a Mulluku

² Munimoona wiihoosa, opeha ohinase ni okona mooselliwa, ophara mutteko mookatamiheya wi muphwanye yoocha. Valle Apwiya ennaavaha ookondiwiiwa ddoorama ddiwa alliwa yiikimakona.

Masalimo 127:2 Iomraidhean Croise

Yobu 11:18

Oneerollipa murima vawi vookhalla etiyerello, oneerokhalla mwamurendelle vawi oneerewakihiwa.

Masalimo 3:5

Kinnakonaatthi nave kinnakona. Kinnavenya ohinase, vawi Apwiya ennakiseera.

Masalimo 4:8

Kineerokonaatthi ni okona mwamurendelle, vawi tti nyeeneve Apwiya munakiteteza miyaano.

Masalimo 60:5

Ookondiwaanyu yaakiheriwe avulluseni ni nnattanatta nanyu, munaakhulle hiyaano.

Miyambo 10:22

Madaliso a Apwiya ennavaha eyuuma, khenoonjereravo ethakaraka.

Oollalleya 1:14

Ddittheddene ddaweereya vatthimva kooddoona. Ddittheddenennddo khaddinna mutteko nave oddaashaasha ddenndda tti wiikatamiha.

Oollalleya 4:8

Vaakhalla muthu mmodda oyo aari yeekhaaye, oohikhalla ni mwaana apaalle mwanamunne. Mitteko ddaye kheddaamalla nave miitthwaaye kheyaakwakhwanihiwa ni eyuumaaye, khiikoha naari vang'ono wi, “Ethiyo mutteko kinaphareemoolla apaalle oddiimmana ddoohakallallihanngu kinamweerella aani?” Ddenndda khaddinna mutteko navettho tti ddoohihakallalliha.

Oollalleya 5:12

Mullupa mutteko annakona ekhove ddaphaama naari achille vang'ono apaalle wunchichi. Koma eeyuuma yinchichi khanakona ekhove.

Oollalleya 6:7

Muthu annaphara mutteko wi aphwanye yoocha koma khanakwakhwanihiwana.

Yeremiya 31:26

Sika vano kaavenya kimwaramwara miittho nave kahoona wi kaakhwavo ekhove.

Ezekiele 34:25

Kineerokeraatthihana echipangano yamurendelle. Kineeroddivenyihamo mwiillaponimmo enama ddittheddene ddamuhakani wi enkhosa ddaka ddikhallekemo mwamurendelle naari muchipululuni apaalle muhakani.