Masalimo 12:6 - Mawu a Mulluku

⁶ Mawu a Apwiya tti aweella, wonanko siliva aweekiwa phaama, aweellihiwa otthanu ni opiilli.

Masalimo 12:6 Iomraidhean Croise

2 Samuele 22:31

Ettilla dda Mulluku tti ddaphaama wunchichi, mawu a Apwiya tti awoona. Alliwa sika yawiitetezella wa attheene oothawellawo.

Yobu 20:19

Vawi ahaahoosa nave khaapwathille oohoowa, ahaakha enyumba nnddo ahimakilleeye.

Yobu 28:1

“Ddawoona, wookhalla mugodi wa siliva, owaaka nipuro noomweelliha golide.

Masalimo 119:140

Mawaanyu tti oosimikizeya, mi oorumeyellaanyu kinnaakonda.

Masalimo 18:30

Ettilla dda Mulluku tti ddaphaama wunchichi, mawu a Apwiya tti awoona. Alliwa sika yawiitetezella wa attheene oothawellawo.

Masalimo 19:8

Ehuddiho ya Apwiya tti yawoona, ennahakallalliha murima. Malamulo a Apwiya tti aweella, ennaahulla athu miittho.

Masalimo 66:10

Nyu Mulluku, mooneesa, mooneelliha wonanko siliva aweekiwa phaama.

Masalimo 76:10

Ddawoona, osha murima wa athu oneerewuuriihani, oovulluwa o osha murimanko muneerewaasunga vakhuviru ni nyuwaano.

Masalimo 9:13

Apwiya, mukeerelle echifundo, ngoonani enakihoosella ookiita. Munnakivullusa wi kihikhwe,

Eksodo 3:7

Vano Apwiya yaallota wi, “Kohoona ohoosiwa wa athwaaka o Iguputo. Kohiiwa okhuwa wi ekaviheriwe, ekaamba ya uullupalli a thangata ayo enaahoosa. Kinnadduwella phaama ddoovoreya ddiwa.

Eksodo 3:8

Kookittha wi kaavulluse wa Aiguputo ni waakhumiha mu ellapo yeeyo wi kaavollochihe mu ellapo yuullupalli ni yaphaama, ellapo yooddalla ni mukaka ni enwi. Enakhallamo tti Akanani, Ahiti, Aamori, Aperezi, Ahivi ni Ayebusi.

Eksodo 6:1

Koma Apwiya yaamulleella Mosooyo wi, “Vano oneerewoona nnddo kinaamweerelleemi Farao. Kineeromuwatihera ni nnatta naka namasiva wi aakhumihe athwaaka. Navettho aneerowiikariha mwiillaponi mwaye.”

Miyambo 22:23

Vawi Apwiya eneerewaateteza va mullatwiiwa nave eneerowaakha okumi ayo enawaakha.

Miyambo 30:5

Mawu mattheene a Mulluku tti awoona. Olliye tti yootetezella ya ayo enathawella wa olliye.

Yesaya 14:22

Apwiya Amasiva Mattheene enallota wi, “Kineerowuhella ekhoto muzinda wa Babiloni ni otthollosa nnddina naye ni attheene oohallamo, khavivulluwa anamwani ni edduullu ddene. Mi Apwiya koollota.

Yesaya 33:10

Apwiya enallota wi, “Vano kineerovenya, kineerewooniha masivaaka nave kineerovahiwa olemu wunchichi.