Masalimo 119:9 - Mawu a Mulluku

⁹ Ethiyo musombwe ttuusunga mwawiidde makhallellwaaye wi akhalle aweella? Vowaapwathani moollikana ni mawaanyu.

Masalimo 119:9 Iomraidhean Croise

2 Epilli 6:16

Sika vano nyu Apwiya Mulluku a Aisraele, upuwellani nndde mwalonjezilleenyu wa Davide oorumeyellaanyu voollotani wi, ‘Khaviwa virama edduullu va nibanja nawo ookhalla vamiitthoni vaka va mpando woomwene wa Israele, vaavove anaawo yaapwathaka makhallellwiiwa ni weeta vamiitthoni vaka monga weyaano weetelleewe.’

Yobu 1:5

Vano mallapo a machellello yamalla, Yobu aanavenya ohinase ovelleella mikutho ddooshellelliha nave aanaddivelleella moollikana ni waata wa anamwanaayo wi yeellihiwe. Eera ddenndda vooganizani wi apaalle mmodda mwa anaaye aachimwa nave oomullotella epewe Mulluku m'murimani mwaye. Yobu aaneera ddenndda enthawi ddittheddene.

Yobu 13:26

Nyuwaano munnakiipa millatu ddoowaawa, munnavuhulla ddoolakwa dda esombwaaka.

Masalimo 119:11

Kohaasunga mawaanyu m'murimani mwaka wi kihuuchimwelleni.

Masalimo 17:4

Voohipwathani makhallello a athu amodda, kinniiwellella mawu a muwano mwanyu, nginathwara ettilla dda athu awaanganyera.

Masalimo 25:7

Muhinuupuwella machimo a esombwaaka ni ovudduwa waka koma mukeerelle echifundo, nyu Apwiya ekaamba ya echikondaanyu yoohisintheya vawi nyuwaano tti aphaama.

Masalimo 34:11

Waawoni anaaka, kiiwellelleni, kineerewuuhuddihani owoova Apwiya.

Miyambo 1:10

Mwanaka, athu oonanara yaapaallaka yaawuukopaka ohiwiiwellelleke.

Miyambo 1:4

Ddinnamweeriha muthu eenamwani okhalla oochenjera nave ddinnamuhuddiha musombwe odduwella ni oganiza phaama.

Miyambo 2:11

Oganiza phaama oneerewuuvittha nave wiiwesesa oneerewuuteteza.

Miyambo 4:1

Nyu anamwani, mwiiwellelleke malangizo a attiitthaanyu, mwaapelleke maaru wi muphwanye wiiwesesa.

Miyambo 7:7

kaamoona mmodda mwa athu eenamwani, musombwe oohikhalla ni ezeru.

Oollalleya 11:9

We Musombwe, hakallalla ni esombwe. Murimaawo ohakallalle mallapo a esombwaawo moollikana ni mmo opaalla wa murimaawo ni mmo miitthwaawo enoonelliiwa koma dduwella wi Mulluku aneerowiipa mullatu wa ddittheddenndda.

Luka 15:13

Viviralle mallapo ooyeva, mwaana mung'onong'onooyo aakulliha ddeko ddaye ddittheddene nave aavenyavo ni makobiraaye aya o ellapo yorekamella. Wenko ahaachella makobiraayo vaweerani makhallello oovudduwa.

Yohane 15:3

Nyuwaano mookhalla aweella khalle wonanko enthambi yoophadderiwa ekaamba ya mawu kuulleelleemini.

Deuteronomo 17:18

Nave muthooyo avollowa omwenooyo alembe mu nibukhu naayenaaye malamulo oollikana ni ayo eri mu nibukhu na malamulo ni ddoohuddiha dda Apwiya nno niri m'mattani mwa allupa mukutho Aalevi.

2 Timoteo 2:22

Nave thawa minkhella dda osombwe, othware echilungamo, echikhulupililo, echikondi ni murendelle vamodda ni yaayo enawiithana Apwiya ni mirima ddaweella wi yaakavihere.

Yoswa 1:7

Komathi khalla amasiva ni oollipa murima wunchichi. Ochenjere wi wiiwellelleke malamulo mattheene ayo Mose oorumeyellaaka uulleelleeye. Oohirukunuwella onnattanatta apaalle wuunyotthoni wi orive weko onaayeekeewe ddiweetelleke phaama.