Masalimo 119:170 - Mawu a Mulluku

¹⁷⁰ Oveka waka wiiweye wa nyuwaano, mukivulluse moollikana ni mawaanyu.

Masalimo 119:170 Iomraidhean Croise

2 Samuele 7:25

“Vano nyu Apwiya Mulluku, musungeke lonjezo nanyu mwallotilleenyu wa oorumeyellaanyu navettho dda nibanja naye wi nikeraatthihiwe wa enthawi yoohimalla nave mweere moollikana ni mmo mwallotilleenyu.

Masalimo 119:41

Apwiya, koonihelleni echikondaanyu yoohisintheya, kivulluseni moollikana ni mawaanyu.

Masalimo 119:94

Mi tti aanyu, kivulluseni vawi koopwatha malamulwaanyu.

Masalimo 28:2

Iwani oveka waka, kaawinllellakani wi mukikavihere, kawuullapellakani mootukhullella muddullu mattaaka oweha o nipuro nanyu naweella.

Masalimo 31:2

Kaapelleni maaru wi mukiiwe, akuvani wi mukivulluse. Mukhalle nlluku naka noothawellawo, mpandaaka woollipa wookivullusa.

Yeremiya 37:20

Vano kinuuvekani nyu apwiyaaka amwene wi mwiiwe oveka waka. Muhikihokolloselle o enyumba ya namalembella Yonatani woova wi kinaakhwelle wenko.”

Yeremiya 42:2

“Apellani maaru o oveka wahu. Pepaani, munivekelle ooyevahi wa Apwiya Mullukwaanyu. Nihanlle athu ooyevave mwa athu anchichi monga munanoonelleenyummu.