Masalimo 119:141 - Mawu a Mulluku

¹⁴¹ Mi tti mung'onong'ono nave oovevuwa komave nginatiwalla malamulwaanyu.

Masalimo 119:141 Iomraidhean Croise

Masalimo 119:109

Okumaaka ori mu ddawoopiha enthawi ettheene komave nginatiwalla malamulwaanyu.

Masalimo 119:16

Kineerohakallalla ni malamulwaanyu, mawaanyu ngiwa kaatiwalla.

Masalimo 119:176

Koohollowa wonanko enkhosa yoorimeella, kaashaasheni mi oorumeyellaanyu vawi nginatiwalla malamulwaanyu.

Masalimo 22:6

Koma miyaano tti wonanko enyambo, ngihiyo muthu naari vang'ono, oyo athu enamuvevulliiwa ni omukhoota.

Masalimo 40:17

Mi tti oofooka nave oohoowa, koma khamukituwanlle, nyu Apwiya. Nyu tti ookikaviheraaka ni oovullusaaka, nyu Mullukwaaka, muhinaselliwa okikavihera.

Miyambo 15:16

Tti waphaama okhalla ni ddooyeva owoovaka Apwiya okhwaranya okhalla ni eyuuma yinchichi koma okhallaka mu ddookatamiha.

Miyambo 16:8

Tti waphaama okhalla ni ddeko ddooyeva ori ni echilungamo okhwaranya okhalla ni ddawaata ohinna echilungamo.

Miyambo 19:1

Muthu oohoowa oororomelleya annamukhwaranya awoottha ookarangeya.

Miyambo 3:1

Mwanaka, ohinatiwalla malangizwaaka, osungeke malamulwaaka m'murimani mwawo.

Yesaya 53:3

Olliye aavevulliwa ni aakhootiwa ni athu, muthu addoovoreya, ooddollweella ddoowaawa. Aanyaambusiwa wonanko owiipitthihelliwa ekhove ni athu, hiyaano khenaamweesille wonanko muthumuthu.

Luka 6:20

Yesu ahaaweha oohudderaaye nave allota wi, “Oodalisiwa tti nyuwaano muri oohoowa, vawi munnahakallalla ni madaliso a omwene wa Mulluku.

Luka 9:58

Yesu aallota wi, “Akhatwe aakhalla ni milliha ddiwa navettho epallame ddookhalla ni emphuru ddiwa koma mi, Mwaana a Muthu, nginna naari voohameella murwaaka.”

2 Akorinto 8:9

Munnadduwella echisomo ya Apwiihu Yesu Khrisitu yawi addeera oohoowa ekaamba ya nyuwaano naari aari eeyuuma wi aweereni nyuwaano eeyuuma oyeella mu ohoowa waye.

Yakobo 2:5

Ngiiwani, asinnaka ni arokoraka ookondiwa! Mulluku ahaatthoolla athu oohoowa a mu ellapo yavattheelle wi ekhalle eeyuuma mu echikhulupililo navettho wi yaakhelle omwene oyo aalonjezilleeye wa ayo enamukonda.