Masalimo 118:24 - Mawu a Mulluku

²⁴ Ollello tti nllapo nno Apwiya yanipangilliiwa, hankoni nithapelle, nihakallalle va nllapo nenna.

Masalimo 118:24 Iomraidhean Croise

1 Mamwene 8:66

Va nllapo naneetthanu ni raru, Solomoni ahaalleella athwaayo wi eroweke. Yaamuthokoza mwenooyo nave yaarowa ni murima woohakallalla ni woothapella ekaamba ya ddaphaama ddittheddene nnddo Apwiya yamweerelliiwa Davide oorumeyelliiwa ni athwiiwa Aisraele.

Nehemiya 8:10

Sika aallota wi, “Khaweni mwache machellello ni omuwirya vinyo ooddiva. Mukawanena athu ayo ehinna ddookwakhwanella vawi ollello tti nllapo naweella wa Apwiya Mullukwaahu. Vano muhimoriwe ethakaraka vawi ehakallallo ya Apwiya sika masivaanyu.”

Masalimo 84:10

Okhalla nllapo nimodda mu nipuro nanyu tti waphaama wunchichi okhwaranya okhalla mallapo manchichi orive weko. Ddeerokiddivella okhalla va mullako wa enyumba ya Mullukwaaka okhwaranya okhalla mpa mwa athu oonanara.

Yesaya 58:13

Apwiya enallota wi, “Mwiivaanyiheke weera ddawuuddivellani, muhiphareke mitteko ddanyu nllapo na Sabata. Nllapo na Sabatanna mweereke ello yoohakallalliha nave nllapo naweella na Apwiya ello yooriiheya. Munivaheke olemu nllaponna vooheeteetani, voohipharani mitteko ddanyu navettho voohillotani miyaha ddoohikhalla ni mutteko.

Zekariya 3:9

Vano ngoona nlluku nna kihiyalleemi vamiitthoni va Yoswa, nlluku nimodda na embali dditthanu ni piilli. Mwaneenaaka kineerogobavo mawu. Kineerovenyihavo machimo a ellapweella nllapo nimodda.

Mitteko 20:7

Va Nllapo Namulungu naatthukumana vamodda wi namumeyemeye buledi. Paulo aallota wa athu ophiyera variyari va mahiiyu vawi atiyerella wi wasawo atimulle.

Yawuupullulla 1:10

Va nllapo na Apwiya kaahoollelliwa ni Munepa Waweella nave kahiiwa mawu oollotiwa moowella mutulli mwaka wonanko woopa wa nipallapata.