Masalimo 115:2 - Mawu a Mulluku

² Kaambiiwa tini mitundu ddimodda ddinaallotekiiwa wi “Mullukwiiwa ari wuuwi?”

Masalimo 115:2 Iomraidhean Croise

Masalimo 42:10

Ovevulla wa adanaaka onnakivoreya wonanko nikhwata nookhwana na m'mwiillini mwaka, yaakikohaka enthawi ettheene wi, “Mullukwaawo ari wuuwi?”

Masalimo 42:11

Kaambiiwa tini onamoriweewe ethakaraka, we murimaaka? Kaambiiwa tini onakatamihiweewe muwari mwaka? Mutiyere Mulluku vawi kineeromutitimihattho, oyo ari oovullusaaka ni Mullukwaaka.

Masalimo 42:3

Winlla sika yoochaaka otthaana ni mahiiyu, athu ennakittheya voollotani wi, “Mullukwaawo ari wuuwi?”

Masalimo 42:4

Murimaaka onnavoreya kaawuupuwellaka mmo keetelleemi ni athu anchichi, vawaahoollellani o enyumba ya Mulluku, athu anchichi ekhuwaka moohakallalla, yiipaka machipo oothokoza, yeeraka ehakallallo.

Masalimo 79:10

Kaambiiwa tini athu a mitundu ddimodda enallotiiwa wi, “Ethiyo Mullukwiiwa ari wuuwi?” Mwaakhullelle wi niwooneni mwaawaahokollosellaka yoonanara, ekaamba yowaakhumiha nikhame oorumeyellaanyu.

Eksodo 32:12

Ethiyo munapaalla wi Aiguputwaayo elloteke wi, ‘Ahaakhumiha o Iguputo ni yoolinga yoonanara wi awiiphelle omiyaangoni ni waatthollosa va ellapo yavatthi?’ Hiyani owallaanyu wookhara wonanko munllooyo nave muhiwoononge athwaanyu.

Yowele 2:17

Allupa mukutho enaarumeyella Apwiya yinlleke variyari va nikhote na apoto ni nikuwa na mukutho. Elloteke wi, “Nyu Apwiya, weerelleni echifundo athwaanyu, muhaakhullelle wi mitundu ddimodda ddinyaambuseke ni ovevulla yoohallanaanyu voollotani wi, ‘Ari wuuwi Mullukwaanyu?’ ”