Masalimo 115:1 - Mawu a Mulluku

¹ Wa hiyaano iyaayi, Apwiya, wa hiyaano iyaayi, koma nnddina nanyuve nititimihiwe, ekaamba ya echikondi yoohisintheya ni oororomelleya.

Masalimo 115:1 Iomraidhean Croise

Masalimo 138:2

Kinnakokhora moowarama, owiitthoni wa enyumbaanyu yaweella. Kinnatitimiha nnddina nanyu ekaamba ya echikondaanyu yoohisintheya ekaambattho ya ororomelleya wanyu. Mohunnuwiha nnddina nanyu navettho mawaanyu aakhwaranya erive ello.

Masalimo 61:7

Akhalle vampandonaaye woomwene vamiitthoni va Mulluku wa enthawi yoohimalla. Nyu Apwiya, echikondaanyu yoohisintheya ni ororomelleya wanyu ddimusunge.

Masalimo 74:22

Nyu Mulluku venyani, hankoni mwiiteteze vamullatuni vanyu. Upuwellani wi athu eepewe ennuunyemullani nllapo nittheene.

Masalimo 96:8

Tthamallani ntitimiho na nnddina na Apwiya, wannani ddoovelleella m'mathatoni a enyumbiiwa.

Yesaya 48:11

Ekaamba ya miyaano, meeneve kinneera ddittheddene. Nnddina naka nivevulliwe mwawiidde? Ntitimiho naka ngiwa kikawana ni mmodda.”

Ezekiele 20:14

Koma ngeerille ddennddo wi nnddina naka, nihivevuwe variyari va athu a mitundu ddimodda ayo yakoonille kaakhumihaka Aisraelaayo mu Iguputo.

Ezekiele 36:22

“Sika alleelle Aisraelaayo wi mi Apwiya Mulluku kinallota wi nnddo kinaaweereemi ngeera ekaamba ya nyuwaano, Aisraele koma ekaamba ya nnddina naka naweella nno mwaniripihalleenyu variyari va mitundu ddimodda nko mwayiilleenyuwo.

Ezekiele 36:32

Dduwellani wi kineereweera ddenndda woohikhalla ekaamba ya nyuwaano. Mi Apwiya Mulluku koollota. Sika Aisraele attheenenyu wulliwani muru nave morihani ekhove ekaamba ya makhallellwaanyu oonanara.

Daniele 9:19

Nyu Apwiya, apellani maaru. Nyu Apwiya nikhululukelleni. Nyu Apwiya, niiwellelleni nave mweerevo ello nave muhiselliwe ekaamba ya nnddina nanyu nave ekaamba ya muzindaanyu navettho athwaanyu enaromolliwa ni nnddina nanyu, nyu Mulluku.”

Mika 7:20

Muneerewooniha ororomelleya wanyu va Yakobo ni echikondaanyu yoohisintheya va Abrahamu monga mwallupenlleenyu khalle wa makhollwaahu.

Yohane 1:17

Mulluku aanivaha malamulo oweella mwa Mose koma echisomo ni yawoona ddaawa oweella mwa Yesu Khrisitu.

Aefeso 1:6

Mulluku aheera ddenndda wi nititimihe echisomwaaye yoovahiwa wa hiyaano oweella mwa mwanaye ookondiwa.

Yoswa 7:9

Akanani ni athu amodda attheene ookhalla mwiillaponimmu eneerewiiwa nave eneeronaapheella ni oniipha attheene. Ethiyo vano nyuwaano munaaweere tini oteteza nnddina nanyu nuullupalli?”