Masalimo 113:9 - Mawu a Mulluku

⁹ Ennamweeriha mutthiyana oohiyara opata nibanja, emutthattusa muyepelle oohakallalla. Aleluya!

Masalimo 113:9 Iomraidhean Croise

Genesis 25:21

Vano vawi mwaara Isaki khaayara, Isakooyo aamuvekella mwaariye wa Apwiya. Apwiya yahiiwa ovekella waye nave Rebeka aakusa erukullu.

2 Mamwene 4:17

Koma mutthiyanooyo aakhalla ni erukullu nave muyakha woothwarellella, enthawi wonanko yeeyo, aamuyara mwaana aamullopwana moollikana ni mmo Elisha amulleellelleeye.

Masalimo 68:6

Mulluku annaavaha mapuro athu oohalla weekhiiwa ekhallekemo, a mundende annaakhumiha wi ekhalle oottaphulliwa koma oowukila annawiikarella o ethaya yooguga.

Yesaya 54:1

Apwiya enallota wi, We mutthiyana oohiyara, ipa moohakallalla, we ohinooneke ovoreya wa oyara, khuwa ni woopa ellullu. Vawi mutthiyana oohiyiwa aneerokhalla ni anamwani awaata omukhwaranya mutthiyana ootthelliwa.

Numeri 5:28

Koma mutthiyanooyo akhalla wi khiiripihalle nave khachimwalle, khakhalla ni mullatu nave aneerekowora waayara anamwani.

Agalatiya 4:27

Vawi mawu a Mulluku enallota wi, “We mutthiyana oohiyara ipa moohakallalla! We ohinooneke ovoreya wa oyara khuwa ni woopa ellullu! Vawi mutthiyana oohiyiwa aneerokhalla ni anamwani awaata omukhwaranya mutthiyana ootthelliwa.”

1 Samuele 2:5

Athu ayo khalle yahata ddoocha ddookwakhwanella vano enimallimella. Koma ayo khalle yaari eettalla vano ennavona. Mutthiyana oohiyara vano ohaayara anamwani atthanu ni eelli, koma mutthiyana oyo aari ni anamwani anchichi vano khanna anamwani.