Masalimo 110:3 - Mawu a Mulluku

³ Athwaawo eneerewiivelleella mwa opaalla wiwa va nllapo nno onaawooniheewe masivaawo vamwaangoni waweella. Asombwaawo eneeroowa wa weyaano mwawaata wonanko nikame ohinase.

Masalimo 110:3 Iomraidhean Croise

1 Epilli 16:29

Tthamallani ntitimiho na nnddina na Apwiya, wannani ddoovelleella m'mathatoni a enyumbiiwa. Allapelleni Apwiya antitimiho ni aweella,

Nehemiya 11:2

Nave athu yahaathokoza athu attheene ayo yiivelleelle mwa opaalla wiwa wi yakhalleke mu Yerusalemu.

Masalimo 29:2

Titimihani oriiheya wa nnddina na Apwiya, llapellani oreera wa weella wiwa.

Masalimo 96:9

Allapelleni Apwiya antitimiho ni aweella, tthukumellani vamiitthoni viwa, nyu athu attheene a va ellapo yavatthi.

Ezekiele 43:12

Nenna sika lamulo na mu enyumba ya Apwiya eyo enaamakiwe vaddullu va mwaango. Vatthevene vawaapheella vineerokhalla vaweellesesa. Nenna sika lamulo na mu enyumba ya Apwiya.”

Mika 5:6

Alliwa eneerogonjiha ellapo ya Asiriya ni nsupada nave eneerewaakha ellapo ya Nimirodi mwakhoto. Aneeronivullusa wa Aasiriya yavollowa ni ollapuwella mwiillaponi mwahu.

Mitteko 1:8

Koma Munepa Waweella awa mwa nyuwaano, muneerewaakhella masiva nave muneerokhalla ambonaaka mu Yerusalemu, mu echigawo ya Yudeya ni echigawo ya Samariya ophiyera wookomella ellapo yavatthi.”

Mitteko 19:20

Mwamasiva ddiidda mawu a Apwiya yaavirellella ovuwa nave okhalla amasiva.

Mitteko 2:33

Aawellihiwa oddullu akhalla onnattanatta na Mulluku, Attiitthinnya nave ohaakhella Munepa Waweella ovenyera wa olliye moollikana ni mmo alonjezilleeye khalle. Munooneenyu ni wiiwanndda tti Munepa Waweella anivahilleeye.

Mitteko 2:41

Sika athu ayo yaakhenlle mawaaye yaabatiziwa. Vaakhalla athu 3,000 ayo yaanjereriwe omullokoni wa athu ookhulupilila nllapo nenna.

Mitteko 21:20

Yiiwalliiwa, yaamutitimiha Mulluku. Nave yaallota wi, “Mwanamunnihu Paulo onnoona vano wi Ayuda anchichi tti ookhulupilila navettho attheenaayo enniivelleella voothwarani malamulo.

Mitteko 4:4

Koma mwa athu yiiwalle othengooyo anchichi yaakhulupilila. Nave waata wa athu ookhulupilila wahaanjerereya ophiyera 5,000.

2 Akorinto 13:4

Naari aari oofooka vootthomeyiwani vamutandani vano tti ookumi oweella mu masiva a Mulluku. Hiyaanottho tti oofooka wonanko olliyooyo koma vaweerani ni nyuwaano ninakhalla ni okumi oweella mwamasiva a Mulluku wonanko olliyooyo.

2 Akorinto 8:12

Mwakhalla ni ntthitti noovelleella, Mulluku aneerewaakhella emphaso ddanyu moollikana ni nnddo muriinyuna ohiri moollikana ni nnddo muhiinnaanyu.

2 Akorinto 8:16

Ninnamuthokoza Mulluku voomuvahani Tito ntthitti nowuukaviherani wonanko hiyaano!

Aefeso 1:4

Mulluku ahinaphatuse ellapo yavatthi, aari anitthoonlle khalle oweella mu eyaattanwaahu ni Khrisitu wi nikhalle aweella ni oohichimwa vamiitthoni vaye. Ekaamba ya echikondaaye,

Afilipi 2:13

kaambiiwa Mulluku anaphara mutteko mwa nyuwaano wi mupaalle nave muwore omwiiwellella.

1 Atesalonika 4:7

Mulluku khaaniithanne wi neereke ddooraruwa koma ddaweella.

Tito 2:14

Ahiivelleella yeekhaaye mu nipuro na hiyaano wi anoopolle hiyaano o machimo mattheene nave wi aneerihe wi nikhalle aweella navettho wi nikhalle aaye ayo mirima ddiwa ddiri va mitteko ddaphaama.

Aheberi 13:21

Mulluku uuvaheni ddaphaama ddittheddene wi mweereke nnddo olliye anaddipalleeye. Nave oweella mwa Yesu annaneeriha erive ello eyo enamuhakallalliha olliye. Ntitimiho nikhalle wa Khrisitu wa enthawi yoohimalla. Amen.

Yawuupullulla 7:9

Ddimallille ddenndda kahoona masomphenya a mulloko muullupalli wa athu ooheerengeya! Yavenyenre mu orive mutundu, nirive nlloko, erive ellapo ni erive ellotello nave yahiimella vamiitthoni va mpando woomwene ni mwaanaankhosa, ewanre ddoowara ddaweella nave ephareelle enthambi dda kanjeza m'mattani mwiwa.

Oweeruza 5:2

“Etitimiheye Apwiya, vawi oohoollella a Aisraele yaahoollella, athu yahiivelleella.”

Oweeruza 5:9

Etitimiheye Apwiya, murimaaka ori ni oohoollella a akhoto a o Israele, ori ni athu ayo awiivelleella, variyari va akhwiiwa.