Masalimo 11:4 - Mawu a Mulluku

⁴ Apwiya eri mu enyumbiiwa yaweella, mpando woomwene wa Apwiya ori oddullu. Miitthwiiwa ennamoona arive muthu, ennadduwella nnddo eneeriiwa.

Masalimo 11:4 Iomraidhean Croise

1 Epilli 17:5

Miyaano nginakhalleke mu enyumba waambeella nllapo nne kaakhumihalleemi Aisraele mu ellapo ya Iguputo ophiyera ollello. Kookhalla kiyaaka nngu ni nngu nave mookhalla mwaka mwaari m'musasani.

2 Epilli 16:9

Miittho a Apwiya ennoona ddittheddene dda va ellapo yavatthi wooniha masiviiwa wa athu ayo enaaroromella. Nyu mookarangeyathi. Vano ekaamba ya yeella waambeella ollello munaakhallelleke owana ekhoto.”

Yobu 24:23

Mulluku ttuuwaateteza oonanara, annaavaha murendelle, annawehesesattho ettilla ddiwa.

Masalimo 103:19

Apwiya aakeraatthiha mpandwiiwa woomwene oddullu, omweniiwa onnalamulella erive ello

Masalimo 113:5

Ttaani anaaphwanaphwane ni Apwiya Mullukwaahu, ayo enakhalla woorekamesesa oddullu,

Masalimo 139:23

Nyu Apwiya, ashaashani wi mudduwelle murimaaka, keeseni wi mudduwelle maganizwaaka.

Masalimo 14:2

Apwiya oddullu aawarama, enaaweha athu vatthimva wi yoone aarimi arivo eezeru, oomwaashaasha Mulluku.

Masalimo 18:6

Kaawiithana Apwiya mu ddoohoosa ddaka, kaakhuwella wa Mullukwaaka wi akikavihere. Mu enyumbaaye ahiiwa mawaaka, winlla waka waaphiya wa olliye.

Masalimo 2:4

Apwiya ayo eri oddullu, ennaattheya ni waanyaambusa.

Masalimo 33:13

Apwiya oddullu aawarama, enaaweha athu vatthimva.

Masalimo 44:21

ethiyo Mulluku khaaddiphwanye ddenndda? Vallethi annadduwella ddawiipittheya dda m'murimani.

Masalimo 66:7

Annalamulella ni masivaaye wa enthawi yoohimalla, miitthwaaye ennoona mitundu dda athu, athu oowukila ehiitukhulle.

Masalimo 9:11

Wiipelleni Apwiya ookhalla o Ziyoni. Llotani ddaweera ddiwa wa athu attheene.

Miyambo 15:3

Miittho a Apwiya eri virive veko waawehesesa athu oonanara ni aphaama.

Yesaya 66:1

Apwiya enallota wi, “Oddullu sika mpandwaaka woomwene, ellapo yavatthi sika voonyingallavo manyallwaaka. Ethiyo munaakimakelle enyumba yawiidde? Niri wuuwi nipuro nawiithuuwellamo miyaano?

Yeremiya 17:10

Mi Apwiya kinnawumolleella murima nave kinnaweesa maganizo wi kimweerelle arive muthu moollikana ni ettilla ddaye moophwanellella ni mitteko ddaye.”

Yeremiya 23:24

Ethiyo muthu ttuuwiipittha vootiitheya wi mi kihimoone? Ethiyo mi ngiri viriveveko, oddullu ni va ellapo yavatthi?

Mika 1:2

Nyu athu a mitundu ddittheddene, iwani! We ellapo yavatthi ni ddittheddene ddookhalla mwemmo, Apellani maaru! Apwiya Mulluku Amasiva Mattheene enawiipani mullatu, enallota ovenyera o enyumbiiwa yaweella.

Habakuku 2:20

Koma Apwiya eri mu enyumbiiwa yaweella, ellapo yavatthi ettheene yeere ellapo tuu vamiitthoni viwa.

Zekariya 2:13

Nyu athu attheene, erani ellapo tuu vamiitthoni va Apwiya ekaamba yawi aavenya ni okhuma o nipuroni niwa naweella.

Mateyu 23:21

Nave allupella oromolla enyumba ya Mulluku anallupella va yeeyo ni va Mulluku oyo anakhalla mwemmo.

Mateyu 5:34

Koma miyaano kinuulleellani wi, ohillupelleke wene. Ohillupelleke vooromollani oddullu vawi wenko tti mpando woomwene wa Mulluku;

Mitteko 7:49

Apwiya enallota wi, ‘Oddullu sika mpandwaaka woomwene, ellapo yavatthi sika voonyingallavo manyallwaaka. Ethiyo munaakimakelle enyumba yawiidde? Niri wuuwi nipuro nawiithuuwellamo miyaano?

2 Atesalonika 2:4

Aneerovaanyiha ddittheddene ddineeriwa mulluku naari ddoollapelliwa navettho aneeroddeera wi olliye tti ookhwaranya ddittheddene. Aneerovollowa nave aneerokeraatthi mu enyumba ya Mulluku niwiiromolla yeekhaaye wi tti Mulluku.

Aheberi 4:13

Kheyiivo ello enavittheya vamiitthoni va Mulluku, ddeko ddittheddene ddinnakhalla vawooneya nave ddinnakhunuulliwa vamiitthoni vaye. Nave attheenehi ninaphwanella wi nimutthopoollelle mitteko ddahu.

Yawuupullulla 4:2

Enthawi yeeyo kaahoollelliwa ni Munepa Waweella nave kahoona oddullunko ori mpando wa omwene nave muthu mmodda akeraatthille vampandoni woomwenooyo.