Masalimo 11:1 - Mawu a Mulluku

¹ Kinnathawella wa Apwiya, nyu munaakilleelle mwawiidde wi, “Thawella omwaangoni wonanko epallame!

Masalimo 11:1 Iomraidhean Croise

2 Epilli 14:11

Nave Asa aakhuwella wa Apwiya Mullukwaaye wi, “Nyu Apwiya, khaavottho mmodda monga nyuwaano awi ttuunikavihera hi oofooka owana ni akhoto amasiva. Nyu Apwiya Mullukwaahu, nikavihereni vawi ninnuuroromellani. Niwiille wi niwane ni akhotwaalla mu nnddina nanyu, muhaakhullelle wi mmodda uugonjiheni.”

2 Epilli 16:8

Ethiyo Akushi ni Alibiya kheyaari akhoto anchichi ookhalla ni magareta ni athu aweetiha akavalo awaata? Koma ekaamba yawi mwaaroromella wa Apwiya, yahaavelleella wa nyuwaano.

Nehemiya 6:11

Koma kahaakhulla wi, “Ethiyo muthu wonanko miyaano ttuuthawa? Nave muthu wonanko miyaano ttuuwiipittha mu enyumba ya Mulluku wi kiivulluse? Ngivollowamo miyaano.”

Masalimo 16:1

Nyu Mulluku, kitetezeni, vawi tti woothawella waka.

Masalimo 25:2

Murimaaka muttheene kinahiya va nyu Mullukwaaka, muhinaakhullella wi adanaaka ekiwulliheke muru, muhinaakhullella wi ehakallallelleke ohoosiwa waka.

Masalimo 31:14

Koma kinnuuroromellani nyu Apwiya, kinnallota wi, “Nyu tti Mullukwaaka.”

Masalimo 56:11

Kinnamuroromella Mulluku moohoova. Ethiyo muthu ttuukeerella tini?

Masalimo 7:1

Wa nyu Apwiya, Mullukwaaka, kinnathawellawo. Mukaakihere wa attheene enakiikariha kivulluseni miyaano!

Masalimo 7:2

Ehikitthalle wonanko mukango, ehikikhaddulle vihiri ookivullusa.

Masalimo 9:10

Apwiya, ayo enuudduwellani ennuuroromellani, khamunamuhiya muthu oyo anawaashaashani.

Miyambo 6:5

Wiivulluse wonanko mphoyo apaalle epallame m'mattani mwa muthu oosaya.

Yeremiya 48:14

“Ethiyo munawora mwawiidde ollota wi, ‘Hiyaano sika oovuwa, allupa ekhoto amasiva?’

Luka 13:31

Enthawi yeeyo Afarisi* amodda yaawa wa Yesu ellota wi, “Muvenyewo wuno muye waamodda wene kaambiiwa Herode* anapaalla awiipheni.”

1 Samuele 19:11

Mahiiyu yaayo Saulo ahaaruma athu o enyumba ya Davide wi yamwiipitthelle wi emwiiphe ohinase. Koma Mikala aamulleella mamune Davide wi, “Mwaahithawa mahiiyu vaava osiisello munimiiphiwa.”

1 Samuele 20:38

Yonatani aamulleella mullupa muttekooyo wi, “Akuvaka, ohiniimella.” Mullupa muttekoolle aatota mpaamboolle awaana wa apwinnya.

1 Samuele 22:3

Vatulli viwa Davide aavenyawo wenko aya o etawoni ya Mizipa o Mowabu. Amuveka mwene a o Mowabu wi, “Pepaani, muwaakhullelle attiitthaaka ni amoowaaka ekhalleke ni nyuwaano ophiyera kidduwenlle eyo Mulluku anaakeerelleeye.”

1 Samuele 23:14

Davide iipittha m'makhunguni mu ellapo yamiyaango muchipululuni mwa Zifi. Saulo aavirellella omwaashaasha koma Mulluku khaawaakhullelle wi Davide aphariwe.

1 Samuele 27:1

Vano Davide aaganiza m'murimani mwaye wi, “Nllapo nimodda Saulo aneerokiipha. Ettilla yaphaama wi kivulluwe tti yawi kithawelle wa Afilisti. Vano Saulo aneerohiya okaashaasha mu ellapo ya Israele nave kineerovulluwa m'mattani mwaye.”