26 Kikavihereni Apwiya Mullukwaaka, kivulluseni moollikana ni echikondaanyu yoohisintheya.
Malamulwaanyu mattheene tti oororomelleya, athwaayo ennakihoosa ni woottha wiwa, kikavihereni!
Kohaapheelliwa ni ddookatamiha ddooheerengeya, machimwaaka aakihuruwella sika ngiwora woona, tti manchichi okhwaranya meehi a m'muruni mwaka kootathilla murima wunchichi.
Mukeerelle echifundo, nyu Mulluku, mukeerelle echifundo, vawi kinnathawella wa nyuwaano. Kinnathawella vatthi va muuphellwaanyu ophiyera woononga oviralle.
Koma miyaano kinnavekella wa nyu Apwiya, nyu Mullukwaaka, mukaakhulle mu enthawi yaphaama ekaamba ya wunnuwa wa echikondaanyu yoohisintheya ekaamba ya ororomelleya wa ovullusa wanyu.
Nyu Apwiya, kaakhulleni vawi echikondaanyu yoohisintheya tti yaphaama, Kaapelleni maaru vawi echifundwaanyu tti yuullupalli.
Mu okumaaye va ellapo yavatthimva, Yesu m'mavekelloni mwaye ahinlla mookhuwa nave moomoriha miitthori wa Mulluku, oyo aarina masiva oomuvullusa wuukhwaani. Kaambiiwa ahiivelleella ni wiiyeviha, Mulluku ahiiwa mavekellwaaye.