Masalimo 104:4 - Mawu a Mulluku

⁴ Munnayitthattusa ephevo amithengaanyu, mallumi amunllo oorumeyellaanyu.

Masalimo 104:4 Iomraidhean Croise

2 Mamwene 2:11

Vano alliwa yeetaka ni ollota, moorurumusa nigareta namunllo ni akavalo amunllo ddahaahiyaniha eellaayo. Nave Eliya aawella oddullu mu namangalle.

2 Mamwene 6:17

Vano Elisha aavekella wi, “Nyu Apwiya, kinuuvekani wi mukhunuulle miitthwaaye, oone.” Sika Apwiya yaakhunuulla miittho a oorumeyellooyo ahoona mwaango oddanlle ni akavalo ni magareta amunllo emwaaphenlle Elisha.

Masalimo 148:8

nyu munllo ni marallalla, nyu nakhuttu ni mirapo, nyu ephevo ddawoopiha ddawiiwellella malamulwiiwa,

Ezekiele 1:13

Variyari va ddoophatusiwannddo vaakhalla ello yawooneya wonanko mankhalla ookhara, wonanko mitthiko ddookhara ddeeteeta variyari viwa. Munllooyo waanawala nave muwari mwiwa mwaanasherima.

Zekariya 6:5

Olliye aakaakhulla wi, “Ddenndda ddinattaphullella ephevo ddisese ddoovenyera vamiitthoni va Apwiya a ellapo yavatthi ettheene.”

Mitteko 23:8

Vawi Asaduki eni athu ookhwa khevenyattho nave wi khawuri angelo naari minepa. Koma Afarisi ennakhulupilila ddiraru ddittheddenennddo.

Aheberi 1:14

Vano angelwaayo ttaani? Yaalla sika minepa ddinamurumeyella Mulluku nave Mulluku annaddiruma wi ddaakavihereke ayo enaavullusiwe.

Aheberi 1:7

Koma dda angelo Mulluku allotille wi, “Kinnaweeriha angelwaaka wonanko ephevo, ni oorumeyellaaka wonanko mallumi amunllo.”