Masalimo 104:3 - Mawu a Mulluku

³ moomaka enyumbaanyu vamaaddini amuddullu. Mirapo ddoothamaka ddiri wonanko nigareta nanyu, munneeta vamuuphelloni a ephevo.

Masalimo 104:3 Iomraidhean Croise

2 Samuele 22:11

Aawella va akerubi* avava, aheeta ni ephevo mwawaakuva.

Masalimo 139:9

Kavavella wookhuma nndduwa, apaalle woovollowa nndduwa, wookomella enyanja,

Masalimo 148:4

Nyu mirapo ddamuddullu, nyu maaddi amuddullu, atitimiheni!

Yesaya 19:1

Nngu sika ollotella wa dda Iguputo. Apwiya aawella va murapo woothamaka oya o Iguputo. Mafano a o Iguputo eneerotthukumella vamiitthoni viwa nave mirima ddiwa ddineerotthomowa ekaamba ya woova.

Amosi 9:6

ennamaka mapurwiiwa ookhallamo oddullu, ennahiyera murapo wonanko eddullu ya ellapo yavatthi, enniithana maaddi a o enyanja wi ewiithelle va ellapo yavatthi, nnddina niwa tti Apwiya.”

Nahumu 1:3

Apwiya tti oohisha murima mwawaakuva tti amasiva manchichi komave khenaakhullella wi oochimwa ahillakiwe. Vaweeta viwa vinnoopa namangalle ni ephevo yawoopiha, mirapo ddiri wonanko nthupi na manyallwiiwa.

Mateyu 26:64

Yesu ahaakhulla wi, “Mullotillethi nyookha. Koma kinimuulleellani attheene wi waambeella vaavo muneerokoona mi, Mwaana a Muthu, kikeraatthille o nnattanatta na Mulluku Amasiva Mattheene nave kiwaaka vamiraponi ddooddullu.”

Deuteronomo 33:26

We Yeshuruni, khaavo oollikana ni Mulluku, oyo aneeta ni ntitimiho muddullu, oyo anawella vamiraponi wi uukavihere.

Yawuupullulla 1:7

Ngoonani aneeroowa m'miraponi! Arive muthu aneeromoona naarittho alle yamuhomille. Malloko mattheene a va ellapo yavatthi eneeromwinllella. Sika ddinaakhalle ddiiddo!