Masalimo 102:26 - Mawu a Mulluku

²⁶ Ddenndda ddineeromalla koma nyuwaano muneerokhallavove, ddittheddene ddineerewaahuwa wonanko ddoowara muneerewaakakhaniha wonanko ddoowara ddawaahuwa.

Masalimo 102:26 Iomraidhean Croise

2 Mamwene 19:15

nave aavekella wi, “Nyu Apwiya, Mulluku a Israele, munakhalla va mpandwaanyu woomwene va akerubi,* nyookhave tti Mulluku oolamulella moomwene mattheene a ellapo yavatthi. Mwaaphatusa ellapo yooddullu ni ellapo yavatthi.

Yobu 38:4

Ethiyo waakhallavo katthipelleemi ellapo yavatthi? Killeelle waarimi ori oodduwellesesa ddeko.

Masalimo 102:12

Koma nyu Apwiya, munnalamulella wa enthawi yoohimalla, athu a mibado ddittheddene eneerowuupuwellani.

Eksodo 3:14

Mulluku aamulleella wi, “Nnddina naka tti MI TTI MIYAANO. Sika waalleelle Aisraelaayo wi MI TTI MIYAANO ookirumiha wa nyuwaano.”

Yesaya 34:4

Nndduwa, mweeri ni etheneeri ddineeronyenyeya nave oddullu waavenyihiwavo wonanko mwinlli woovillikiwa. Etheneeri ddineerovakareya wonanko makukhu a mpesa apaalle namukuyu.

Yesaya 51:6

Tukhullellani miitthwaanyu oddullu, wehani va ellapo yavatthi. Oddullu oneerorimeella wonanko mwiisi, ellapo yavatthi eneeromalla wonanko yoowara, athwiiwa attheene eneerokhwa wonanko engwillihi. Koma ovullusa waka onaakhalle wa enthawi yoohimalla, woopolla waka wa enthawi ddittheddene.

Yesaya 65:17

Apwiya enallota wi, “Kinaphatusa oddullu wanaanweene ni ellapo yavatthi yanaanweene nave ddakhalle khaddiwa dduupuwelliwattho, ddineerotiwalliwa.

Yesaya 66:22

“Wonanko mmo ellapo yavatthi yanaanweene ni ellapo yooddullu yanaanweene nnddo kinaddiphatuseemi ddinaakhalle wa enthawi yoohimalla vamiitthoni vaka emoddamoddave yeeyo edduullu ddanyu ni nnddina nanyu ddineerokhallavove.

Mateyu 24:35

Oddullu ni ellapo yavatthi ddineeromalla koma mawaaka khemalla.

Luka 21:33

Oddullu ni ellapo yavatthi ddineeromalla koma mawaaka khemalla. Ddaaphuwaka makukhu anaanweene munnadduwella wi ellimwe yohaatamella.

Aroma 8:20

Vawi erive ello eyo yaphatusiwe yaheerihiwa wi elamulelliweke ni ddeko ddoohikhalla ni mutteko, ohiri ni opaalla wiwa koma kaambiiwa Mulluku aapaalla wi ddikhalle ddiiddo. Koma waakhalla otiyerella

Yawuupullulla 20:11

Nave kaamoona Mulluku akeraatthille vampandoni muullupalli waweella wa omwene. Ellapo yavatthi ni oddullu ddaathawa vamiitthoni vaye nave ddaarimeellattho.

Yawuupullulla 21:1

Kahoona oddullu wanaanweene ni ellapo yavatthi yanaanweene. Oddullu ni ellapo yavatthi ddawaambanndde ddaarimeella nave enyanja kheyaariwottho.