Masalimo 102:13 - Mawu a Mulluku

¹³ Muneerovenya ni omumorella ethakaraka Ziyoni vawi enthawi yoomweerella echifundo yoophiya.

Masalimo 102:13 Iomraidhean Croise

Masalimo 135:13

Nyu Apwiya nnddina nanyu, tti na enthawi yoohimalla, athu a mibado ddittheddene eneerowuupuwellani.

Masalimo 44:26

Venyani muwe munikavihere, noopolleni ekaamba ya echikondaanyu yoohisintheya.

Masalimo 51:18

Muweerelle ddaphaama athu a o Ziyoni ekaamba ya oreera murima wanyu, mumakettho mpanda wa Yerusalemu.

Masalimo 7:6

Apwiya venyani moosha murima, mullipane ni adanaaka oowalli. Tthupulluwani nyu Mullukwaaka, lamulani wi echilungamo yeereye.

Masalimo 75:2

Munnallota wi, “Va enthawi eyo kinaayikeraatthiheemi, kineereweeruza moolungama.

Masalimo 90:2

Miyaango ddihinakhallewo, muhinaphatuse ellapo yavatthi ni vookhalla athu, waambeella enthawi yoohimalla wa enthawi yoohimalla, nyu tti Mulluku.

Masalimo 92:9

Vawi ngoonani adanaanyu, nyu Apwiya, adanaanyu eneerewoonongeya, attheene aweera ddoonanara eneeropallalleya.

Eksodo 3:15

Nave Mulluku aamulleellattho Mose wi, “Waalleelle Aisraele wi, ‘Apwiya Mulluku a makhollwaahu, Mulluku a Abrahamu, Mulluku a Isaki ni Mulluku a Yakobo sika akirumihalle wa nyuwaano.’ Nenna sika nnddina naka wa enthawi yoohimalla. Nenna sika nnddina nno ddinaakiromollellekiiwa mibado ddittheddene ddamuhoollo.

Yesaya 14:32

“Ethiyo ninaawaakhulle tini Afilisti? Ninaallote wi, ‘Apwiya aamukeraatthiha Ziyoni nave mu muzinda yoolla athwiiwa oohoosiwa ennaphwanyamo voovulluwellavo.’ ”

Yesaya 40:2

“Mullote mwawiithalla ni athu a o Yerusalemu, mwaalleelle wi enthawi ya ddoohoosa ddiwa yoomalla, machimwiiwa aakhululukiwa. Kohaallaka wunchichi ekaamba ya machimwiiwa.”

Yesaya 60:1

Venya, wala vawi omolleella wawo woophiya, ntitimiho na Apwiya nohuuwalella!

Yeremiya 31:23

Apwiya Amasiva Mattheene, Mulluku a Israele, anallota wi, “Kaahokollosellattho athu mu ellapwiiwa eneerollota mu ellapo ya Yuda ni omizinda ddiwa wi, ‘We nipuro neechilungamo, we mwaango waweella, Apwiya yuudalise.’ ”

Daniele 12:9

Olliye aakaakhulla wi, “We Daniele, khawe vawi mawu yaalla tti oosungiwa moovittheya nave eneeromarelliwa ophiyera enthawi yoomalliha.

Mitteko 1:7

Yesu aallota wi, “Khonaphwanella wi nyuwaano mudduwelle dda enthawi ni mallapo ayo Attiitthaaka ekeraatthihalliiwa mwa olamulellwiiwa wi nndda ddeereye.

Agalatiya 4:4

Nave enthawi yoophwanella yakwakhwanilliiwa, Mulluku aamuruma Mwanaye. Aayariwe ni muthu aamutthiyana nave iiwellella malamulo a Ayuda,

2 Petro 3:12

mwaatiyeraka Nllapo na Mulluku nave mweeseeseke oneeriha wi niwe veneva. Nllapo nenna oddullu oneerewoosiwa ni woonongiwa nave ddeko ddooddullu ddineeronyeta ni oviha wa munllo.

2 Petro 3:8

Koma muhitiwalle ello emodda, akhwaaka ookondiwa! Khuwaavo ohiyana, wa nllapo nimodda ni miyakha 1,000 vamiitthoni va Apwiya. Wa olliye, piillinndda tti ddoophwanaphwana.