Masalimo 102:1 - Mawu a Mulluku

¹ Nyu Apwiya, iwani nivekello naka, winlla waka ophiye wa nyuwaano.

Masalimo 102:1 Iomraidhean Croise

2 Epilli 30:27

Vano allupa mukutho ni Alevi yahiimella yahaadalisa athu nave mawiiwa yahiiweya, mavekellwiiwa yaaphiya o nipuro naweella na Mulluku oddullu.

Masalimo 12:5

Ekaamba yawi oohoowa ahaakhiwa ddayiwa, oorama ddeko ennakhupanya, Apwiya enallota wi, “Vano kineerohiyavo nnatta naka, kineerewaavullusa mmo enapaallelliiwa.”

Masalimo 143:4

Sika murimaaka woofooka muwari mwaka, m'murimani mwaka mooddalla woova.

Masalimo 143:7

Nyu Apwiya, akuvani okaakhulla, kootathilla murima wunchichi. Muhiniipitthiha ekhovaanyu, woova wi kinaaphwanaphwane ni ookitthella o mahame.

Masalimo 145:19

Ayo enawoova Apwiya ennavahiwa ddoopaalla ddiwa, ennawiiwa winlla wiwa, ennaavullusa.

Masalimo 18:6

Kaawiithana Apwiya mu ddoohoosa ddaka, kaakhuwella wa Mullukwaaka wi akikavihere. Mu enyumbaaye ahiiwa mawaaka, winlla waka waaphiya wa olliye.

Masalimo 39:12

Nyu Apwiya iwani winlla waka, muheere ellapo tuu kaawinllellakani, miyaano tti mulleto oohillekella, awaarera wonanko makhollwaaka mattheene.

Masalimo 42:4

Murimaaka onnavoreya kaawuupuwellaka mmo keetelleemi ni athu anchichi, vawaahoollellani o enyumba ya Mulluku, athu anchichi ekhuwaka moohakallalla, yiipaka machipo oothokoza, yeeraka ehakallallo.

Masalimo 5:2

Mullukwaaka, mwenaaka, iwani winlla waka, wa nyuwaano kinnavekella.

Masalimo 61:2

Miyaano ookhalla omamallihello wa ellapo yavatthi, kootathilla murima nave kinawiithanani nyuwaano, kihoollelleni o nlluku noorekama okikhwaranya miyaano.

Masalimo 62:8

Nyu athu, hiyani murimaanyu va olliye enthawi ettheene, mumulleelle ddittheddene dda m'murimani mwanyu. Mulluku sika woothawella wahu.

Masalimo 77:3

Kaawuupuwellaka dda Mulluku, kinniipullella m'murimani. Kaaganizellaka dda olliye, kinnatathilla murima.

Eksodo 2:23

Viviralle enthawi yoorekama wunchichi mwene a o Iguputoolle aakhwa. Nave Aisraelaalle yaavirellella winlla ekaamba ya okaporwiiwoolle nave yaakhuwa wi ekaviheriwe, sika okhuwa wiwa wahiiweya wa Mulluku.

Maliro 3:44

Mooddiipitthiha ni mirapo wi mavekellwaahu ehiwore ophiyera.

Maliro 3:8

Naari kinllellaka nikavihero, khiiwa ovekella wakanko.

Luka 22:44

Naari Yesu ahoowille wawoopiha m'murimani mwaye, aavekellave ohiyana ni vawaamba nave nikhurumella naye naari wonanko nikhame ninamorella vatthi.

Aheberi 5:7

Mu okumaaye va ellapo yavatthimva, Yesu m'mavekelloni mwaye ahinlla mookhuwa nave moomoriha miitthori wa Mulluku, oyo aarina masiva oomuvullusa wuukhwaani. Kaambiiwa ahiivelleella ni wiiyeviha, Mulluku ahiiwa mavekellwaaye.

Oweeruza 10:16

Sika yaavenyihavo milluku ddeelletonndde yaamba waarumeyella Apwiya nave Apwiya yaamoriwa ethakaraka voowonani Aisraele ehoowaka.

1 Samuele 9:16

“Osiisello enthawi wonanko yeella kinneerewuurumihella muthu ovenyera o nlloko na Benjamini, omuzoze ni makhura a olivi vamuru vaye wooniha wi anaakhalle mwene aathwaaka, Aisraele. Aneerewaavullusa athu wa Afilisti. Kohoona ollakiwa wiwa nave kohiiwa winlla wiwa.”