Masalimo 100:2 - Mawu a Mulluku

² Arumeyelleni Apwiya moohakallalla, phiyani vamiitthoni viwa mwiipaka moothapella.

Masalimo 100:2 Iomraidhean Croise

1 Mamwene 8:66

Va nllapo naneetthanu ni raru, Solomoni ahaalleella athwaayo wi eroweke. Yaamuthokoza mwenooyo nave yaarowa ni murima woohakallalla ni woothapella ekaamba ya ddaphaama ddittheddene nnddo Apwiya yamweerelliiwa Davide oorumeyelliiwa ni athwiiwa Aisraele.

2 Epilli 29:30

Vano mwene Hezekiya ni enduna ddaye yahaalamula Alevi wi yiipe machipo owaatitimiha Apwiya moollikana ni mawu a Davide ni namallotella Asafu. Vano yahiipa moohakallalla nave yaakokhora ellapella.

2 Epilli 31:2

Hezekiya aakeraatthihattho milloko dda allupa mukutho ni Alevi wi ephareke mitteko dda mikutho ddooshellelliha, mikutho ddeeyaattano, ollalleya m'millako dda enyumba ya Apwiya ni waathokoza ni waatitimiha Apwiya.

Masalimo 42:4

Murimaaka onnavoreya kaawuupuwellaka mmo keetelleemi ni athu anchichi, vawaahoollellani o enyumba ya Mulluku, athu anchichi ekhuwaka moohakallalla, yiipaka machipo oothokoza, yeeraka ehakallallo.

Masalimo 71:23

Vayanoni vaka vineerokhuwa ni ehakallallo voowiipellani machipo awuutitimihani. Murimaaka muwooponlleenyu, oneerewiipa mowuuriihani.

Masalimo 95:2

Hankoni naphiye vamiitthoni viwa, naathokoze, hankoni naakhuwelle moohakallalla ni machipo.

Deuteronomo 12:12

Sika muneerohakallalla vamiitthoni viwa, nyuwaano, aniinyu aallopwana ni aatthiyana, allupa muttekwaanyu aallopwana ni aatthiyana ni Alevi ayo enakhalla variyari vanyu vawi khenna yoohallaniiwa.

Deuteronomo 16:11

Sika muneerohakallalla vamiitthoni viwa, nyuwaano, aniinyu aallopwana ni aatthiyana, allupa muttekwaanyu aallopwana ni aatthiyana ni Alevi ayo munakhalleenyuna m'muzi mwanyu, alleto, akhwaadduni ni anaamukhwelle ayo enakhalla variyari vanyu.

Deuteronomo 16:14

Muhakallalleke wunchichi va nllaponno, nyuwaano, aniinyu aallopwana ni aatthiyana, allupa muttekwaanyu aallopwana ni aatthiyana ni Alevi, alleto, akhwaadduni ni anaamukhwelle ayo enakhalla variyari vanyu.

Deuteronomo 28:47

Vawi naari Apwiya yuudalisalleni, nyuwaano khemwaarumeyelle moohakallalla ni murima muttheene.

Afilipi 4:4

Hakallallani mu eyaattano ni Apwiya enthawi ddittheddene! Kinallotattho yeella wi, hakallallakani!