Masalimo 10:5 - Mawu a Mulluku

⁵ Muthu oonanara ddeko ddaye ddinnamweetella phaama erive enthawi. Khaniiwesesa echiweruzo ya Mulluku, annaanyemulla adanaaye.

Masalimo 10:5 Iomraidhean Croise

Genesis 6:12

Mulluku awehille ellapo yavatthi ahoona wi tti yoonanara, ekaamba yawi athu attheene yaari oonanara wunchichi.

2 Samuele 5:6

Vano Davide ni athwaaye yaaya o Yerusalemu yawana ekhoto ni Ayebusi ayo yaari aneetthi a muzinda wa Yerusalemu. Athwaayo yaamulleella Davide wi, “Khowora ovollowa wuno. Athu oorakalla ni oohoona sika enaawiikarihe”

1 Mamwene 20:13

Enthawi yeeyo namallotella mmodda aawa wa Ahabu, mwene a o Israele, amulleella mawu a Apwiya wi, “Ethiyo onnoona mulloko wakhotoolla? Ngoona, kineerovelleella mullokoolla m'mattani mwawo ollello vaava. Nave oneerodduwella wi mi tti Apwiya.”

Yobu 24:23

Mulluku ttuuwaateteza oonanara, annaavaha murendelle, annawehesesattho ettilla ddiwa.

Masalimo 12:5

Ekaamba yawi oohoowa ahaakhiwa ddayiwa, oorama ddeko ennakhupanya, Apwiya enallota wi, “Vano kineerohiyavo nnatta naka, kineerewaavullusa mmo enapaallelliiwa.”

Masalimo 73:3

kaakhallelleemi ehache athu awiitukhulla kawoonilleemi athu oonanara eri ni eyuuma yinchichi.

Miyambo 1:19

Wenngu sika omalla wa athu oopata eyuuma mwa ettilla ddoohitthopoowa. Eyuumeeyo ennawiipha ayo yaakhille.

Miyambo 15:24

Athu eezeru ennawella ettilla yookumi wi erapelle ettilla yooya o ellapo ya ookhwa.

Miyambo 2:13

ayo enahiya ettilla ddoolungama eneeta ettilla dda mwiipiphini.

Miyambo 2:15

Athu yaalla ettilla ddiwa tti ddookhoromana, makhallellwiiwa tti oolleka.

Miyambo 24:1

Ohaakhallelle ehache athu oonanara naari opaalla okhalla ni alliwa

Yesaya 10:1

Otulli wa athu ayo enakeraatthiha malamulo oohilungama ni olemba ddawaahoosa athu.

Yesaya 26:11

Nyu Apwiya, mootukhullella muddullu nnatta nanyu wi mwaallake koma alliwa khenoona nnattanno. Athwaayo ewulliwe muru vawoonani mmo munaakondelleenyu athwaanyu. Munllo mwaakharihelleenyu adanaanyu waashellellihe alliwa.

Yesaya 28:15

Muniitukhulla wi mwahiiwanana ni okhwa nave moopangana ni ellapo ya ookhwa. Munnallipa murima wi woononga voowani khowaatamellani. Munaroromella ddawoottha wi okhalle woothawella wanyu nave ddoolleka wi okhalle woovulluwella wanyu.

Yesaya 42:25

Sika yaanishella murima wunchichi, yaanihoosa ni ekhoto. Yaahella munllo virive veko voonaapheella, koma hiyaano oohiiwesesa. Munllo waanishellelliha, koma hiyaano oohihudderavo ello.

Yesaya 5:12

Enakhallella wiipa azeze, magitala, ekoma ni ezitoliro, enamuwirya vinyo va machellellwiiwa. Koma khenapwatha apaalle woona mitteko dda matta a Apwiya.

Hoseya 14:9

“Oyo aniiwesese addisunge. Vawi ettilla dda Apwiya tti ddoolungama nave oolungama enneetamo koma oochimwa ennakwakwatuwamo.”

Hoseya 9:9

Athu enimananarave wonanko ddeereyelliiwa o Gibea. Sika ekaambiiwa Mulluku khawa atiwalla onanara wiwa nave aneerollaka machimwiiwa.

Aroma 3:16

Orive otthewene enayiiwa, ennaahoosa athu ni waavoreya.

Oweeruza 9:27

Athwaayo yaaya omata yarukulla ezipaso ddampesa eddiwamulla yeera ehakallallo. Vano yaaya o enyumba ya mullukwiiwa yacha ni owirya nave yaamba omutembelela Abimeleki.

Oweeruza 9:38

Vano Zebuli aamukoha wi, “Otokollolla wawo wulle ori wuuwi? Khe weyaano valle wallota wi, ‘Abimeleki ttaani wi nimurumeyelleke.?’ Athu waanyaambuseewe tti yaalla. Khuma vano wawanena ekhoto.”