Masalimo 10:3 - Mawu a Mulluku

³ Muthu oonanara anniitukhulla ni ddoopaalla ddaye, oottutthuwa ennaatembelela ni waakhoota Apwiya.

Masalimo 10:3 Iomraidhean Croise

1 Mamwene 20:25

Nave mutthukumanihe mulloko wakhoto woophwanaphwana ni mulloko woonongeyilloolle, akavalo wonanko yaalle ni magareta wonanko yaallettho. Vatulli viwa nawanena otapo. Ddawoona, vaavo nineerewaapambana.” Sika Benihadadi ahiiwellella mawu a oorumayellaaye nave aheera ddennddo.

Yobu 31:24

Ngihiyalle murimaaka va eyuuma apaalle omuroromella golide aphaama.

Masalimo 35:21

Ennakittheya mookhuwa yootthaka wi, Hehee! Miitthwaahu ahoona nnddo ddeereyille.

Masalimo 49:18

Naari addeesaka oodala akhalla mukumi, naari avahiweke olemu ddeko ddaamweetellaka phaama,

Masalimo 49:6

Athu awi ddiidda ennaroromella eyuumiiwa, ennakota kaambiiwa aakhalla ni eyuuma.

Masalimo 5:6

Nyuwaano munnawoononga athu awoottha. Apwiya munnananariwana awiipha ni oolleka.

Masalimo 52:1

We amasiva kaambiiwa tini onakotelleewe ddoonanara, echikondi yoohisintheya ya Mulluku tti yoohimalla?

Masalimo 94:4

Attheene aweera ddoonanara ennallota mwawiitukhulla, ennakota.

Eksodo 15:9

Mudanoolle aallota wi, ‘Kineerewaathwara nave kineerewaaphara, kineerokawa eyuumiiwa nave murimaaka oneerokwakhwanihiwana, kineerokhumiha nsupada nave kineerowoononga ni nnatta naka.’

Miyambo 28:4

Oyo ahiniiwellella malamulo annaatthamalla athu oonanara koma oosunga malamulo annakanganana.

Oollalleya 7:15

Va okumaaka woohikhalla ni muttekoolla kohoona ddeko piilli, enthawi emodda athu oolungama ennoonongeya koma yeeraka ddoolungama. Mwaamodda athu oonanara ennakhalla ni okumi woorekama koma yeeraka ddoonanara.

Yesaya 37:23

Ethiyo we okhanlle omuvevullaka ni omullotella epewe? Ethiyo ttaani omukhuwenlleewe ni omuweha mwawiitukhulla? Khe mmodda koma Aweelloolle a Israele!

Yesaya 57:17

Kaasha murima ekaamba ya osilila wiwa woonanara nave kahaallaka ni waareya etulli komave yaavirellella ohiiwellella ni wummiha murima ni othwara ettilla ddiwa.

Yeremiya 22:17

Koma maganizwaawo ni murimaawo ddiri va mphuro wawoottha, va ddoowiipha oohichimwa ddeekuku ni waahoosa athu.

Levitiko 26:30

Kineerowoononga mapurwaanyu oollapellellamo mafano omwaangoni ni okumulla makuwaanyu oothuwiheravo lubani* nave kineerovokhella mitembo ddanyu vaddullu va mafano oohikhalla ni okumi nave kineerewuuhiya ni nyuwaano.

Habakuku 2:9

Otulli wa oyo ari ni eyuuma yoovenyera mu yoophura yoophwanyeya moohilungama, annayikusella o enyumbaaye yavaddullu vooganizani wi ookhalla ni murendelle.

Luka 12:15

Nave aallota wi, “Chenjerani, muhikhalle a nrima vawi okumi wa muthu khonallikana ni waata wa ddeko ariiyena naari arina eyuuma yinchichi.”

Luka 12:19

Vano kineerollota wa murimaaka! Wookhalla ni ddeko ddookwakhwana miyakha ddinchichi. Sika ithuuwa, oche, owirye, ohakallalle.’

Aroma 1:29

Mirima ddiwa ddooddalla ni ddoonanara ddoohiyanahiyana wonanko, millilli ni echillu. Yooddalliwa ni nrima wiipha, owana, woottha wiitana ni miseche.

Aroma 1:32

Naari edduwellaka wi malamulo a Mulluku enallota wi athu ookhalla mwawi ddiidda enaphwanella okhwa, enneerave ddenndda nave ennahakallalla athu amodda yaaweerakattho ddenndda.

1 Akorinto 6:10

apaalle allupaawiiya apaalle anrima apaalle oolezela apaalle oolalata, khaavo a yaalla anaawaakhelle omwene wa Mulluku.

Aefeso 5:5

Vawi mudduwelle wi khaavo muthu ooraruwa, aweera yooripiha apaalle anrima (vawi nrima niri wonanko ollapella mafano) anaakhellena omwene wa Khrisitu ni wa Mulluku.

Deuteronomo 29:19

Moonesese wi vihikhalle mmodda a nyuwaano ollello oyo aniiwa mawu yaalla koma anallota m'murimani mwaye wi ddeko ddineeromweetella phaama naari ari awumma murima oowanddeellella weera ddoopaalla ddaye. Ddakhalla ddiiddo, aphaama ni oonanareene eneerewoonongeya.

Deuteronomo 32:19

“Apwiya yoonilliiwa ddenndda, yahaakhoota athwaayo, kaambiiwa aniiwa aallopwana ni aatthiyana yaattatthamulla owalliiwa.

Akolose 3:5

Vano mwiiphe minkhella dda vatthimva nnddo ddiri m'mwiillini mwanyu, ddooraruwa, ddoonanara, minkhella ddoonanara, opaalla ddoonanara ni okhallella nrima (vawi nrima tti mafano).

Yakobo 4:13

Vano ngakiiwelleni, nyu munallota wi, “Ollello apaalle osiisello nineeroya omuzindani mmodda namallewo muyakha nikullihaka malonda wi niphwanye makobiri manchichi.”

Yakobo 4:16

Koma vano munnakota ni wiitukhulla. Wiitukhulla wenko tti woonanara.

1 Yohane 2:15

Muhikondeke ellapo yavatthi apaalle erive ello ya mu ellapo yavattheeyo. Mwaakondaka ellapo yavatthi, echikondi ya Attiitthiihu kheri mwa nyuwaano.

Oweeruza 17:2

Vano olliye ahaalleella amennya wi, “Muthu mmodda aawiiyerani makobiri a siliva 1,100 nave mwaamutembelela miyaano kiiwaka. Makobiraayo tti alla, eri ni miyaano. Tti miyaano kaakusalle.” Amennyaayo yaamulleella wi, “Apwiya yuudalise mwanaka.”

1 Samuele 23:21

Saulo aallota wi, “Apwiya yuudaliseni vawi mookeerella echifundo