Masalimo 10:13 - Mawu a Mulluku

¹³ Kaambiiwa tini oonanara anamukhooteeye Mulluku, analloteeye m'murimani mwaye wi, “Khawa akillaka”?

Masalimo 10:13 Iomraidhean Croise

Genesis 42:22

Sika Rubeni aallota wi, “Valle miyaano kahuulleellani wi musomboolla muhimweerena erive ello koma nyuwaano khamwaakiiwellelle. Mohoonathi vano nirina ollivelliwa ekaamba yoomwiipha olliye.”

Genesis 9:5

Arive muthu oomwiipha muthu, aneerewiiphiwa. Erive enama yoomwiipha muthu, eneerewiiphiwa. Arive muthu oomwiipha mukhwaaye, nayeenettho iiphiwe.

2 Epilli 24:22

Sika mwene Yowashi khuupuwelle ddaphaama nnddo Yehoyada attiitthinnya a Zekariya amweerelleeye koma aamwiipha mwanaye. Nave vookhwani aallota wi, “Apwiya ennoona nave ehokolloselle!”

Yobu 24:12

Ayo eri vakhuviru okhwa enniipullella m'muzindani, oophoreya enninllella okaviheriwa, koma Mulluku khanapwatha yoonanara.

Yobu 24:23

Mulluku ttuuwaateteza oonanara, annaavaha murendelle, annawehesesattho ettilla ddiwa.

Masalimo 74:10

Nyu Mulluku, ethiyo adanaayo enaawuunyemullekeni ophiyera niini? Ethiyo adanaayo evevulleke nnddina nanyu ophiyera wa enthawi yoohimalla?

Masalimo 74:18

Nyu Apwiya upuwellani wi adanaanyu ennuunyemullani, wi athu eepewe ennavevulla nnddina nanyu.

Numeri 11:20

Muneeroyicha mweeri muttheene ophiyera yuukhumalleni mphunani nave muneerovoriiwana. Ddenndda ddineereweereya ekaamba yawi mohaakhoota Apwiya ayo enakhalla variyari vanyu nave mookhupanya vamiitthoni viwa voollotani wi, ‘Kaambiiwa tini nakhumalleehu o Iguputo?’ ”

Luka 10:16

Vano Yesu ahaalleella athu aarumalleeyaalle wi, “Oyo anawiiwellellani nyuwaano anakiiwellella miyaano nave oyo anuukhootani nyuwaano anakikhoota miyaano nave oyo anakikhoota miyaano anamukhoota oyo akirumalle miyaano.”

Deuteronomo 29:18

Moonesese wi vihikhalle oorukunuwa murima wi aahiye Apwiya Mullukwaanyu naari mullopwana, mutthiyana, nibanja apaalle nlloko mwa attheenenyu ni waamba ollapella milluku ddimodda. Weera ddiidda onaphwanaphwana ni musisi wooyara nttipwi ni echipaso yoowaawa.

1 Atesalonika 4:8

Sika vano, oyo anakhoota ehuddiho yeella khanamukhoota muthu koma Mulluku, oyo anuuvahani munepaaye Waweella.