Masalimo 1:1 - Mawu a Mulluku

¹ Oodalisiwa tti muthu oyo ahineeta ni athu oonanara, ahiniimella ni athu oochimwa, ahinakeraatthi ni athu oomuvevulla Mulluku.

Masalimo 1:1 Iomraidhean Croise

Genesis 49:6

Ngiwa kiiwanana ni ddoollota ddiwa ddavakhwipi, naari va mitthukumano ddiwa, ngiwa kaattanana, kaambiiwa yaawiipha athu moosha murima, nave yahaaphoriiha anankhoro a eng'ombe mwa ekuku, nave yahaatthattusa yoottheellana.

Genesis 5:24

Olliye ahaattana ni Mulluku mu okumaaye muttheene. Nave Enoki khaawooneyillettho, ekaamba yawi Mulluku aamukusa.

1 Mamwene 16:31

Akhalla wonanko ochimwa wa Yerobowamu khewaakwakhwanne. Aamutthella Yezebele, mwaana a Etibaala, mwene a Asidoni, aamba orumeyella ni onillapella nifano na Baala.

2 Epilli 22:3

Olliye aathwara echisanzo ya nibanja na Ahabu wawi amennya sika yamuvaha malangizo aweera ddoonanara.

Yobu 10:3

Ethiyo enuuddivellani tini mwaakihoosaka, ovevulla mutteko wa mattaanyu, munakondella ddoolinga dda oonanara?

Yobu 21:16

Ngoonani, ddaphaama ddiwa kheddiri m'mattani mwiwa? Koma malangizo a oonanara aakirekamella.

Yobu 31:5

Miyaano ngeetille ettilla ddawoottha apaalle manyallwaaka othamakella olleka.

Masalimo 1:6

Apwiya ennapwatha meetello a athu oolungama koma ettilla ya athu oochimwa eneerewoonongeya.

Masalimo 106:3

Oodala tti athu oosunga echiweruzo, aweera echilungamo enthawi ettheene.

Masalimo 112:1

Aleluya! Oodalisiwa tti muthu oyo anawoova Apwiya, ookonda osunga malamulwiiwa.

Masalimo 119:115

Nyu aweera ddoonanara kivenyerenivoni wi miyaano kithwareke malamulo a Mullukwaaka.

Masalimo 144:15

Oodalisiwa tti athu awaakhella madaliso yaalla, woodalisiwa tti mutundu ayo Mullukwiiwa tti Apwiya.

Masalimo 146:5

Oodalisiwa tti muthu oyo nikavihero naye ninavenyera wa Mulluku a Yakobo, oyo etiyerellwaaye eri va Apwiya Mullukwaaye,

Masalimo 146:9

Apwiya ennaateteza alleto, ennamuseera naamukhwelle ni mukhwaadduni, koma ettilla dda athu oonanara ennaddivirikaniha.

Masalimo 2:12

Mukokhorelleni moomugonjella mwanaye, wi ahuunanariwelleni, wi muhoonongeye, vawi khanallekella osha murima. Oodalisiwa tti ayo enathawella wa olliye.

Masalimo 26:12

Kookeraattheya vanipuroni noohikatamiha, kineerewaatitimiha Apwiya va mutthukumano muullupalli.

Masalimo 34:8

Llawihani moone, Apwiya tti aphaama, oodala tti muthu oothawella wa Apwiya.

Masalimo 36:4

Anaganiza ddoowukila aakonaka mahiiyu, anneeta mu ettilla eyo ehiri yaphaama, khanarapa ddoonanara.

Masalimo 64:2

Kiipitthiheni o ddoopangana dda athu oonanara, echiwawa ya aweera oonanara.

Masalimo 81:12

Sika kahaahiya ni mirima ddiwa ddawuumannddo wi ethwareke nnddo yapaalliiwa.

Masalimo 84:12

Nyu Apwiya Amasiva Mattheene, oodala tti muthu awuuroromellani.

Miyambo 1:15

Mwanaka, ohineetakana athu yaalla, ohinathaananakana mu ettilla ddiwa.

Miyambo 1:22

“Nyu eenamwani, munaakhalleke eenamwani ophiyera niini? Nyu oovevulla munaavevulleke ezeru ophiyera niini? Nyu ookarangeya, munaayiiteke ezeru ophiyera niini?

Miyambo 13:15

Ezeru yaphaama ennakondelliwa koma ettilla ya oohiroromelleya tti woonongeya wiwa.

Miyambo 13:20

Weeta ni athu eezeru onnakhalla eezeru koma mukhwiiwa a ookarangeya annavoreyiwa.

Miyambo 19:29

Tti ddookhozekella khalle wi mullatu waamorelle athu oovevulla nave muwashullo omuwashulla ookarangeya.

Miyambo 2:12

Ezeru eneerewuuvullusa o meetello oonanara, eneerewuuteteza wa oollota ddoonanara

Miyambo 3:34

Alliwa ennaavevulla athu oovevulla koma annaweerella echifundo athu awiiyeviha.

Miyambo 4:19

Ettilla ya athu oonanara tti wonanko epiphi yawoopiha. Khenadduwella yaakwakwatullalle.

Miyambo 9:12

Wakhalla eezeru, enaakhalle yaawoyaawo nave waayivevullaka onaahooweke weekha.

Yeremiya 15:17

Ngaakhanlle m'mutthukumano wa athu oovudduwa naari ohakallallana alliwa. Koma kahanlle meekha ekaamba yawi nnatta nanyu niri va miyaano nave mwaaddalliha owalli murimaaka.

Yeremiya 17:7

“Koma oodala tti muthu oyo anaaroromella Apwiya, oyo anahameella va alliwa.

Ezekiele 20:18

Kahaachenjeza aniiwa muchipululuni wi ehithware malangizo a makhollwiiwa, ehiiwellelle malamulwiiwa apaalle wiiripiha ni mafanwiiwa.

Mateyu 16:17

Nave Yesu ahaakhulla wi, “Tti oodalisiwa weyaano, Simoni mwaana a Yona vawi khe muthu uupullullalle ddawoonanndda wa weyaano koma Attiitthaaka ooddullu.

Luka 11:28

Koma Yesu aallota wi, “Oodalisiwa tti ayo eniiwa mawu a Mulluku ewiiwellella!”

Yohane 13:17

Vano vawi moodduwella ddawoonanndda, nyuwaano tti oodalisiwa mwaweraka ddenndda!

Yohane 20:29

Yesu aamulleella wi, “Wookhulupilila kaambiiwa wookoona? Oodalisiwa tti ayo enakhulupilila naari ehoonille.”

Aroma 5:2

Kaambiiwa naamukhulupilila Yesu Khrisitu aaneeriha wi noonena echisomo ya Mulluku, eyo eri matthipellellwaahu. Nave vano ninnahakallalla wi ninnatiyera okhalla ni ntitimiho na Mulluku!

Aefeso 6:13

Sika vano muware ddoowara ddawiitetezella ddittheddene nnddo muvahiweenyu ni Mulluku! Nllapo noonanara naphiya, muneerowora wiiteteza wa mudani nave mwamalliha owana, mukhallave oollipa.

Deuteronomo 14:6

Enama ddittheddene ddookhalla ni akokotokwa ookawaneya nave ddoojikulla sika munnaakhullelliweenyu oddicha.

Deuteronomo 33:29

We Israele, ori oodala! Oophwanaphwana ni we ttaani? Mutundu woovullusiwa ni Apwiya, yawuutetezaawo ni nsupada nawo, ayo enuuvullusa ni wuupambaniha! Adanaawo eneerewuukokhorella, koma we oneerewaanyingallella vatthi.

1 Petro 4:3

Mootathilla enthawi yinchichi khalle vaweerani nnddo eneera athu oohimullapella Mulluku. Okhalla wanyu waari wa oraruwa, minkhella ddoonanara, olezela, machellello ni olezela nave ollapella mafano moonanariha.

Yawuupullulla 22:14

Oodalisiwa tti ayo enachapa ddoowara ddiwa mwaweelliha wi yaakhullelliwe ovollowa va millako dda m'muzindani ni ocha ezipaso dda muteekho wa okumi.