Luka 9:5 - Mawu a Mulluku

⁵ Nave athu yaahiwaakhellaniwoni, venyaniwoni nave muttatthe nthupi omanyalloni wanyu. Yoolla okhalle omboni wawi mohaakhoota ekaamba ya nnddo yenriiwa.”

Luka 9:5 Iomraidhean Croise

Nehemiya 5:13

Vano kaattaphulla kittattha yoowaraaka killota wi, “Emoddamoddave yeeyottho Mulluku amuttatthe arive muthu ahinaaweere nnddo alonjezilleeye. Sika yooyo attatthiwe nave ahoowe, ahikhalle ni ello.” Nave mutthukumano muttheene wahaakhulla wi, “Amen” wahaatitimiha Apwiya. Nave athu yaheera nnddo yalonjezilliiwa.

Mateyu 10:18

Nave muneerovelleelliwa wa oolamulella ni mamwene kaambiiwa nyuwaano tti oohudderaaka wi mwakhalle amboni a othenga waphaama wa yaayo ni athu ayo ehiri Ayuda.

Mariko 6:11

Mwaphiya onipuroni nko muhinaakhelliweenyuwo apaalle muhiniiwellelliweenyuwo, venyaniwoni, muttatthe nthupi omanyalloni wanyu. Yoolla okhalle omboni wawi mohaakhoota ekaamba ya nnddo yenriiwa!”

Mariko 9:37

“Nave muthu anamwaakhella mwaana mmodda awi ddiidda ekaamba ya miyaano, anakaakhella miyaano. Nave oyo anakaakhella miyaano, khanakaakhella miyaano koma oyo akirumalle.”

Luka 10:16

Vano Yesu ahaalleella athu aarumalleeyaalle wi, “Oyo anawiiwellellani nyuwaano anakiiwellella miyaano nave oyo anuukhootani nyuwaano anakikhoota miyaano nave oyo anakikhoota miyaano anamukhoota oyo akirumalle miyaano.”

Luka 5:14

Vano Yesu aamulamula wi, “Ngiiwa nndda vano! Ohimulleelle arive muthu koma khawe wa mullupa mukutho wi awoone wi woheella. Vano waheraatthi mukutho olle walamuliwe ni Mose wi vikhalle omboni wa athu wi woheellihiwa.”

Luka 9:4

Mpa mutthemwene munaakhelliweenyumo, mwakhalleke mwemmo, ophiyera mwavenyemo.

Luka 9:48

Allota wi, “Nave muthu anamwaakhella mwaanoolla ekaamba ya miyaano, anakaakhella miyaano. Nave oyo anakaakhella miyaano, anamwaakhella oyo akirumalle miyaano. Vawi oyo ari mung'onong'ono mwa attheenenyu yooyo sika muullupalli.”

Mitteko 13:51

Amurummwa eellaalla yaattattha nthupi omanyalloni wiwa mowaavaanyiha nave evirellella olendwiiwa oya o Ikonio.

Mitteko 18:6

Ayuda yamuvaanyihalliiwa emullotellattho epewe, olliye ahaahokollosella voottatthani nthupi va ddoowara ddaye ni ollota wi, “Mullatu okhalle wa nyuwaano! Miyaano nginna mullatu. Ovenyera vano kineerooya wa athu ayo ehiri Ayuda.”