Luka 9:41 - Mawu a Mulluku

⁴¹ Yesu ahaakhulla wi, “Nyu athu a mbado woohikhulupililoolla ni woonanara! Kinaakhalle ni nyuwaano ophiyera niini? Kinuuvillelleni ophiyera niini? Wannani musombooyo wa miyaano!”

Luka 9:41 Iomraidhean Croise

2 Mamwene 5:8

Koma namallotella Elisha iiwalleeye wi mwene a o Israele ahaahulla ddoowara ddaye, arumiha mawu wa mwenooyo wi, “Ethiyo mwaahullelle tini ddoowara ddanyu? Mulletooyo awe veneva wa mi aneerodduwella wi o Israele wookhalla namallotella.”

Masalimo 78:8

wi Ehikhalle wonanko makhollwiiwa, athu awumma murima ni oowukila, mbado wa athu ayo mirima ddiwa ddiri ddoohikeraattheya, ayo okumiiwa muttheene ori woohiroromelleya wa Mulluku.

Eksodo 10:3

Mose ni Aroni yaaya wa Farao yamulleella wi, “Apwiya Mulluku a Aheberi, anakoha wi, ‘Ethiyo onaakhooteve wiiyeviha vamiitthoni vaka ophiyera niini? Owaakhullelle athwaaka evenyewo wi eye yakillapelle.

Eksodo 16:28

Sika Apwiya yaamukoha Mose wi, “Ethiyo munaakhalleve athu ookhoota wiiwellella mawaaka ni malamulwaaka ophiyera niini?

Yeremiya 4:14

We Yerusalemu, venyihamo ddoonanara m'murimani mwawommo wi ovulluwe. Ethiyo onaakhalleve ni maganizo oonanara ophiyera niini?

Numeri 14:11

Apwiya yaamukoha Mose wi, “Ethiyo athu yaalla enaahiye niini okivevulla? Nave enaahiye niini ohikikhulupilila naari yoonille ezizindikiro nnddo keerilleemi vamiitthoni viwa?

Numeri 14:27

“Ethiyo athu oonanara ddiiddaalla enaahiye niini okiinyullulla? Kohiiwa wiinyullulla wiwa nko enakeerelliiwa.

Mateyu 11:28

“Waani wa miyaano attheenenyu ootopa ni oollemelliwa m'murimani mwanyu, miyaano kineerowiithuuwihani.

Mateyu 12:39

Koma Yesu aawaakhulla wi, “Athu a mbadoolla tti oonanara ni oohiroromelleya, enakiveka echizindikiro. Kheyiivo echizindikiro enaavahiwiiwa koma ya namallotella Yona.

Mateyu 12:45

Vano onnakhuma oya wakusa minepa ddimodda mitthanu ni miilli ddoonanara ohiyana ni olliyooyo nave ddinnawa ddivollowa ddinakhalla mwemmo. Vano muthooyo makhallellwaaye voomallihella ennakhalla oonanara ohiyana ni vawaamba valle! Nndda sika ddineereye wa athu oonanara amuttano.”

Mateyu 16:4

Athu a mbadoolla tti oonanara ni oohiroromelleya, enakiveka echizindikiro. Kheyiivo echizindikiro enaavahiwiiwa koma ya namallotella Yonave.” Vano ahaahiya avenyavo.

Mateyu 17:17

Yesu ahaakhulla wi, “Nyu athu a mbado woohikhulupililoolla ni woonanara! Kinaakhalle ni nyuwaano ophiyera niini? Kinuuvillelleni ophiyera niini? Wannani musombooyo wa miyaano!”

Mateyu 23:36

Ddawoona, kinimuulleellani wi ollakiwa wa athu awiiphaayo onaakhalle vamuruni va athu a mbadoolla.”

Mateyu 3:7

Vano Yohane awoonilleeye athu anchichi a mulloko wa Afarisi* ni wa Asaduki* ewaaka wi alliwattho ebatiziwe, ahallotella wi, “Nyu enowa! Ttaani uulleelleni wi muthawe ollaka wa Mulluku onawanko?

Mariko 10:14

Yesu oonilleeye yeella, aasha murima nave aallota wa oohudderaaye wi, “Ahiyeni anamwanaayo ewe wa miyaano, muhaahiihe kaambiiwa omwene wa Mulluku tti wa athu ookhalla wonanko anamwanaalla.

Mariko 10:49

Yesu ahiimella allota wi, “Mwiithaneni awe.” Sika yaamwiithana muthu oohoonooyo ellota wi, “Llipa murima, venya, animawiithana.”

Mariko 9:19

Yesu ahaakhulla wi, “Nyu athu a mbado woohikhulupililoolla! Kinaakhalle ni nyuwaano ophiyera niini? Kinuuvillelleni ophiyera niini? Wannani musombooyo wa miyaano!”

Luka 8:25

Vano aallota wa oohudderaayo wi, “Echikhulupilwaanyu eri wuuwi?” Yahoova ni ottikhina ekohana wi, “Muthu yoolla tti awiidde? Vawi annalamulella naari ephevo ni maaddi nave ddinnamwiiwellella!”

Luka 9:40

Kahaaveka oohudderaanyu wi ekhumihe munepa koma kheyaawonre.”

Luka 9:42

Nave mwaanooyo aweeye, munepa woonanarooyo waamukuha vatthi omukomolla. Vano Yesu aasimwella munepa woonanarooyo, amuchiriha mwaanooyo nave aamuvelleella wa attiitthinnya.

Yohane 14:9

Yesu ahaakhulla wi, “Kookhalla ni nyuwaano enthawi yoorekama nave khonakidduwelleve miyaano, Filipo? Oyo akoonne miyaano oowoona Attiitthaaka, vano onallotella tini wi, ‘Nooniheni Attiitthaanyu’?

Yohane 20:27

Vano aamulleella Tomasi wi, “Ttannya ni eyaallaawo mva nave ona mattaaka navettho okolla nnatta nawo ottannye mu epararwaaka. Ohikhalle oohikhulupilila koma okhulupilileke.”

Mitteko 13:18

Nave wa miyakha 40 ahaavillella yeetiiwa mu echipululu.

Mitteko 2:40

Petro ahaallalleyella athwaayo ni mawu oohiyanahiyana manchichi aalleella moollipa wi, “Mwiivulluse nyookha o ollaka onawanko wa athu oonanara amuttano!”

Aroma 2:4

Apaalle munnavevulla oreera murima waye wunchichi, olleva waye ni ovillella waye. Ethiyo khamunadduwella wi Mulluku tti ooreera murima kaambiiwa annuuhoollellani wi murukunuwe murima.

Deuteronomo 32:5

Koma nyu tti oohiroromelleya wa olliye, oohiphwanella okhalla athwaaye, muri mutundu woochimwa ni woolleka.

Aheberi 3:19

Vano nohoona wi kheyaavollowillemo munipuroni mulle kaambiiwa kheyaakhulupililalle.

Aheberi 4:11

Vano hankoni moollipihella nivollowe mu wiithuuwanngu wi variyari vahu vihikhalle mmodda oolephela ovollowa ekaamba yoohiiwellella wonanko yenriiwa khalle.

Aheberi 4:2

Vawi othenga waphaama waallalleyiwa wa hiyaano wonanko wallalleyiwelliiwa wa alliwaayo koma othenga wallalleyiwooyo kheyaaphurallena ello kaambiiwa kheyaawaakhenlle ni echikhulupililo.

Aheberi 7:25

Nave sika annawora, ollello ni mallapo mattheene waavullusa ayo enawa wa Mulluku oweella mwa olliye vawi ookhalla ni okumi woohimalla wi aavekellelleke athu wa Mulluku.