Luka 9:16 - Mawu a Mulluku

¹⁶ Yesu aakusa mitthi dda buledi mitthanu ni ehomba piilli, aweha oddullu, avekella omuthokoza Mulluku. Aameyameya nave awinnya oohuddera wi evelleelle wa athwaayo.

Luka 9:16 Iomraidhean Croise

Mateyu 14:19

Ahaalamula athwaalle wi ekeraatthi vamanasini. Vano aakusa mitthi dda buledi mitthanu ni ehomba piillinndde, aweha oddullu, avekella omuthokoza Mulluku nave amumeyameya buledooyo. Vano aawinnya oohudderaaye wi emuvelleelle wa athu.

Mateyu 15:36

Vano aakusa mitthi dda buledi mitthanu ni miillinnddo ni ehombanndde avekella omuthokoza Mulluku, amumeyameya buledooyo. Vano aawinnya oohudderaaye wi emuvelleelle wa athwaayo.

Mariko 7:34

Nave Yesu aaweha oddullu, avuma wuullupalli, allota wa muthooyo wi, “Efatha!” (Ottaphullella wi, ttaphuwa.)

Luka 22:19

Vano Yesu aamukusa buledi avekella omuthokoza Mulluku. Vano aamumeyameya buledooyo aavaha oohudderaaye allota wi, “Olla sika mwiillaaka woovahiwa ekaamba ya nyuwaano. Mweereke yeella vookuupuwellani miyaano.”

Luka 24:30

Akeraatthilleeye voochella wi achena, amukusa buledi, amudalisa, amumeyameya nave aavaha.

Luka 9:15

Vano oohudderaalle yahaakeraatthiha athu attheenaalle vatthi.

Luka 9:17

Attheene yaacha evona nave oohuddera yaatotella ddoohalla ddooddalla mitaanga khumi ni miilli.

Yohane 6:11

Yesu aakusa mitthi dda buledi, avekella omuthokoza Mulluku nave amuvelleella wa athu ayo yaakeraatthiille vaavo. Aheerattho emoddamoddave yeeyo ni ehombanndde. Nave attheene yahaakhella moollikana ni mmo yapaallelliiwa.

Yohane 6:23

Vano ekallawa ddimodda ddoovenyera o Tiberiya ddaawa vakhuviru ni nipuro nko athu yamuchilliiwa buledi Apwiya ethokozille.

Mitteko 27:35

Allotilleeye ddenndda, Paulo aamukusa buledi, avekella wa Mulluku moothokoza attheene yoonaka, amumeyameya nave aamba omucha.

Aroma 14:6

Athu ayo enaganiza wi nllapo nimodda tti noopaalleya ohiyana ni mallapo mamodda eneera ddiiddo wi yaatitimihe Apwiya. Nave ayo enacha erive ello eneera ddiiddo wi yaatitimihe Apwiya vawi ennamuthokoza Mulluku ekaamba ya yoocheeyo. Ayo ehinacha ddeko ddimodda eneera ddiiddo wi yaatitimihe Apwiya nave ennamuthokoza Mulluku.

1 Akorinto 10:30

Kaamuthokozaka Mulluku ekaamba ya ddoocha ddaka, muthu mmodda anaakivaanyihe mwawiidde ekaamba ya ddoochannddo?”

1 Akorinto 11:24

yaavekella emuthokoza Mulluku, emumeyameya nave ellota wi, “Olla sika mwiillaaka woovahiwa ekaamba ya nyuwaano. Mweereke yeella vookuupuwellani miyaano.”

1 Samuele 9:13

Mwaavollowaka m'muzindanimmo, munaamuphwanye ahinayeewo wi ache. Athu kheyaamba ocha olliye ahinaphiye, ophiyera olliye adalisalle mukuthooyo. Eeddiiddo athu awiithaniwa eneerewaamba ocha. Vano khaweni mukumanena naanweene vaava.”