Luka 9:11 - Mawu a Mulluku

¹¹ Athu yiiwalliiwa ddenndda, yaamuthwara. Aawaakhella, allota dda omwene wa Mulluku nave ahaachiriha athu oovoriiwa.

Luka 9:11 Iomraidhean Croise

Yesaya 61:1

Munepa wa Apwiya Mulluku ari va miyaano ekaamba yawi Apwiya aakizoza. Aakirumiha wi killalleye othenga waphaama wa oohoowa wi kaallipihe ootathilla murima, kallalleye ottaphulliwa wa akaporo, navettho ottaphulliwa wa oomakeya.

Mateyu 12:15

Yesu adduwenlleeye yiiwananiiwannddo, aavenyavo vanipuronimvo nave athu anchichi yaamuthwara. Ahaachiriha athu oovoriiwa attheene.

Mateyu 14:14

Yesu akhumalleeye mukallawanimmo, aawoona mulloko wa athu muullupalloolle nave ahaamorella ethakaraka nave ahaachiriha oovoriiwiiwa.

Mateyu 21:31

Ttaani mwa eellaalle enre yapanlle attiitthiiwa.” Yaamwaakhulla wi, “Awaamboolle.” Sika Yesu aallota wi, “Ddawoona, kinimuulleellani wi ookhomiha misonkho ni atthiyana ooraruwa eneerohoolla ovollowa mu omwene wa Mulluku nyuwaano muhinavollowe.

Mateyu 21:43

Yesu ahaanjerera ollota wi, “Sika kinimuulleellani wi, omwene wa Mulluku oneerewaakhiwa wa nyuwaano nave oneerovahiwa wa athu amodda ayo eniimma ezipaso ddaphaama vaweerani echilungamo.”

Luka 1:53

Athu oohoowa ohaakwakhwanihella ni ddeko ddaphaama, nave athu eeyuuma ahaahokollosa ahaavahille ello.

Luka 5:31

Yesu aawaakhulla wi, “Athu oohivoriiwa khenaya wa mullupa murete koma yaayove enavoriiwa.

Luka 8:1

Vatulli viwa Yesu aheetella mu matawoni ni m'mizi, allalleyaka othenga waphaama wa omwene wa Mulluku. Oohudderaaye khumi ni eelli yaamuthwara,

Luka 8:10

Nave ahaakhulla wi, “Wa nyuwaano woovahiwa odduwella ddookhuweya dda omwene wa Mulluku koma wa alliwaayo kinaallotella m'maphwanaphwanihoni wi woona yooneke koma ehidduwelleke nave wiiwa yiiweke koma ehiiweseseke.

Luka 9:10

Vano amurummwa a Yesu yahokollowilliiwa yaamulleella Yesu ddittheddene yenriiwa. Ahaakusa attheenaayo ayaana wa weekhiiwa o etawoni yooromolliwa Betisaida.

Luka 9:12

Waari nndduwa nivollowaka, oohuddera khumi ni eelli yawiilliiwa wa Yesu ellota wi, “Mwaalleelle athu eye m'mizi ddawaatamella wi yaashe yoocha ni vookona vawi mva tti vahakani va weekhiihu.”

Luka 9:2

Nave ahaarumiha wi yallalleye dda omwene wa Mulluku ni waachiriha oovoriiwa.

Yohane 4:34

Koma Yesu aallota wi, “Yoochaaka tti yawi keere opaalla wa oyo aakirumalle ni omalliha mutteko aakivahilleeye wi keere.

Yohane 6:37

Arive muthu oyo Attiitthaaka yakivahilliiwa aneeroowa wa miyaano. Nave arive muthu oyo anawa wa miyaano ngimukhoota.

Mitteko 28:31

Aallalleya dda omwene wa Mulluku nave ahuddiha dda Apwiya Yesu Khrisitu, aallota moottaphuwa ni moohikhalla ni yookatamiha.

Aroma 10:14

Koma enaawiithane mwawiidde alliwaayo ehinaakhulupilile? Nave enaakhulupilile mwawiidde ehiniiwe othenga? Nave eniiwe mwawiidde othengooyo ohinallalleyiwe?

Aroma 10:17

Sika vano muthu anakhalla ni echikhulupililo ekaamba yawiiwa othenga nave othengooyo onaphiya oyeella mu omullalleya Khrisitu.

Aroma 15:3

Vawi Khrisitu khenre ddeko ddawi iihakallallihe yeekhaaye koma tti wonanko mmo mawu a Mulluku enallotelliiwa wi, “Epewe mwaallotelliweenyu yaakiphiyerattho miyaano.”

2 Timoteo 4:2

ollalleyeke othenga naari enthawi erivo apaalle ehiivo, waadduwellihe machimwiiwa, waahumullulle, waallipiheke athu murima waahuddiheke mwawiithaalla.

Aheberi 4:16

Sika hankoni moohikayikella naatamelle o mpando woomwene wa Mulluku nko ori echisomo wi naakhelle echifundo, echisomo ni nikavihero mu enthawi yoophwanellella.