Luka 8:44 - Mawu a Mulluku

⁴⁴ Aawa otulli wa Yesu attannya mukhwipi mwa yawiikhuneellaaye. Nave enthawi yeeyo ereta yoohikhumamo oonille mweeri yaamalla.

Luka 8:44 Iomraidhean Croise

Eksodo 15:26

Yaallota wi, “Mwaakiiwellellaka mi Apwiya Mullukwaanyu, muneera ddoolungama ni opwatha malamulwaaka ni wiiwellella nnddo kinuuhuddiheemini, nguullakani ni erive ereta eyo kaallakilleemina Aiguputo. Mi tti Apwiya ayo enuuchirihani.”

Malaki 4:2

Koma nyu awoova nnddina naka, nndduwa na echilungamo nineerewuukhumellani ni owaana ochiriha m'muuphello mwiwa. Muneerolluphallupha moohakallalla wonanko asaanaang'ombe ekhumihiwe munikhollani.

Mateyu 20:34

Yesu ahaamorella ethakaraka nave aattannya miitthwiiwa. Vano enthawi yeeyo yahoonattho nave yaamuthwara olliye.

Mateyu 8:3

Yesu ahookolla nnatta naye amuttannya nave allota wi, “Kinnapaalla, ellihiwa!” Nave enthawi yeeyo aheellihiwa o makataaye.

Mateyu 9:20

Nave mutthiyana oohoowa ni ereta yoohikhumamo oonille mweeri wa miyakha khumi ni miilli aawa otulli wa Yesu nave aattannya mukhwipi mwa yawiikhuneellaaye.

Mariko 6:56

Virive veko vayiille Yesu, m'mizi ni m'matawoni, athu yahaakusa oovoriiwiiwa eyaana omusika ni omuveka wi oovoriiwaayo awaakhullelle ottannya naari mukhwipi mwa yawiikhuneellaaye. Nave attheene yattannyillaayo yaachirihiwa.

Luka 13:13

Vano ahiiyaatthi mattaaye va olliyooyo nave enthawi yeeyo ahookowa iimella, amutitimiha Mulluku.

Luka 7:38

Nave ahiimella vakhuviru ni manyallo a Yesu, aninlla nave aamba onaaniha manyallo a Yesu ni miitthori. Vano aapukuta manyallwaayo ni meehaaye nave ooniha olemu vookhupaarellani manyallwaayo nave aazoza makhura a nthuko naphaama.

Luka 8:43

Nave vaavo vaakhalla mutthiyana oohoowa ni ereta yoohikhumamo oonille mweeri wa miyakha khumi ni miilli. Aallivella ddeko ddittheddene aariiyena wa allupa murete koma khaarivo aworille omuchiriha.

Luka 8:45

Yesu ahaakoha wi, “Akittannye ttaani?” Athu attheene yaaruna nave Petro aallota wi, “Apwiya, mulloko muttheenoolla wowaapheellani nyuwaano nave onimuupanikizani.”

Yohane 5:13

Koma muthu oochirihiwoolle khaamudduwenlle kaambiiwa Yesu aavollweella muwari mwa mulloko wa athu anchichi ayo yaari vaavo.

Mitteko 19:12

Naari mipango dda m'mattani ni ekuwo apharihalleeye mutteko ddakusiwa ddakhuneelliwana oovoriiwa, ereta ddiwa ddaanachirihiwa navettho minepa ddoonanara ddaanakhuma.

Mitteko 5:15

Ekaamba ya mitteko dda amurummwa, athu oovoriiwa yaanakhumihelliwa omusewuni ekonaatthille vamachirani ni vaminllini wi Petro aaviraka naari muuthuuchaayeve waaphwanye.

Deuteronomo 22:12

“Musoweke manyenje va makona masese a mikanjo nnddo munawareenyu.”