Luka 8:43 - Mawu a Mulluku

⁴³ Nave vaavo vaakhalla mutthiyana oohoowa ni ereta yoohikhumamo oonille mweeri wa miyakha khumi ni miilli. Aallivella ddeko ddittheddene aariiyena wa allupa murete koma khaarivo aworille omuchiriha.

Luka 8:43 Iomraidhean Croise

2 Epilli 16:12

Muyakha wa 39 wa olamulellwaaye Asa ahaamba ovoriiwa ereta ya manyallo nave ereteeyo yaavirellella komave khaawaashaasha Apwiya koma akaviheriwa ni amasenga.

Yobu 13:4

Nyuwaano tti ooddiva vayanoni, attheenenyu tti allupa murete awoottha.

Masalimo 108:12

Nikavihereni ollipana ni adanaahu vawi nikavihero na muthu tti noohikhalla ni mutteko.

Yesaya 2:22

Muhimuroromellekettho muthu vawi okumaaye khonallekella omalla. Ethiyo muthu ari ni tini?

Mariko 12:44

Vawi amoddaayo yaavelleella moollikana ni nnddo yavahullalliiwa va eyuumiiwa koma olliyoolla ni ohoowa wayenngu, oovelleella ddittheddene aariiyena wi achelleke.”

Mariko 9:18

Erive enthawi munepa woonanarooyo wamuvollowa, onnamukuhella vatthi nave annakhuma niphoru owanoni waye, anakhuuriha miino nave mwiillaaye muttheene onumma. Kahaakoha oohudderaanyu wi ekhumihe munepooyo koma kheyaawonre.”

Luka 13:11

Mwemmo mwaakhalla mutthiyana ookhalla ni munepa woonanara, oyo wamweeriha wi avoriiweke wa miyakha 18. Aari ookhoromana mutthana wawi khaawora wiimella mowookowa.

Luka 13:16

Nave ollattho nayeene tti edduullu ya Abrahamu oyo amakiwe ni Satana wa miyakha 18. Vano ahittaphulliwe va nllapo na Sabata?”

Luka 8:27

Yesu aphiyalleeye mukhwipi mwa enyanja aakumana ni muthu a o etawoni wenko ookhalla ni minepa ddoonanara. Wa enthawi yoorekama muthu yoolla aakhalla oohiwara nave khaakhallattho mpa koma akhalla m'makhunguni mmo mwavitthiwa athu ookhwa.

Luka 8:42

Aamuvekille yeella kaambiiwa aakhalla ni mwaana aamutthiyana mmoddave a miyakha khumi ni miilli oyo aari vakhuviru okhwa. Vano Yesu ayeeye wenko, mullokooyo waanamupanikiza ekaamba yawaata.

Luka 8:44

Aawa otulli wa Yesu attannya mukhwipi mwa yawiikhuneellaaye. Nave enthawi yeeyo ereta yoohikhumamo oonille mweeri yaamalla.

Yohane 9:1

Nave Yesu eeteeye m'musewuni aamoona muthu oohoona eyariwellwaaye.

Yohane 9:21

Nave khaninadduwella wi anawora woona mwawiidde nave khaninamudduwella oyo amuchirihalle. Mukoheni, ohunnuwa, aneerowaakhullani yeekhaaye.”

Mitteko 3:2

Nave muthu mmodda ookhwa meto eyariwellwaaye aakuselliwawo. Olliyooyo mallapo mattheene aanakusiwa anahiyiwa vamullakoni wa enyumba ya Mulluku wooromolliwa “Mullako Wooreera” wi aavekeke makobiri athu yaavollowaka mu enyumba ya Mullukweeyo.

Mitteko 4:22

Nave muthu oyo achirihiwe moottikhiniha, aari ni miyakha ddookhwaranya 40.