Luka 8:3 - Mawu a Mulluku

³ Yoana, mwaariye a Kuza kapitawo a oophara mutteko mu enyumba ya Herode* ni Suzana ni atthiyana amodda anchichi yaamurumeyella Yesu ni oohudderaaye ni eyuumiiwa.

Luka 8:3 Iomraidhean Croise

1 Epilli 29:14

“Koma mi kiri aani nave athwaaka eri aani wi ttuuwora ovelleella mwa opaalla wahu? Valle ddeko ddittheddene ddinavenyera wa nyuwaano nave ninavelleellaahu tti ddaanyu.

Yesaya 23:18

Koma mphurweene ni mallivellweene ddinaavelleelliwe wa Apwiya. Kheddisungiwa apaalle ohiyiwa koma ddinaavelleelliwe wa oorumeyella a Apwiya wi ekulle ddoocha ddinchichi ni ddoowara ddooreera.

Mateyu 14:1

Enthawi yeeyo Herode,* oolamulella a o Galileya, ahiiwa dda epilli ya Yesu.

Mateyu 14:3

Vawi khalle, Herode aalamula wi Yohane amakiwe nave yammaka emuhiya mundende. Aheera ddenndda ekaamba ya Herodiyasi, mwaara a mwanamunne, Filipo.*

Mateyu 14:6

Va nllapo nawuupuwella oyariwa wa Herode, olliyoolla aahakallallana mwaana aamutthiyana a Herodiyasi kaambiiwa ahinna vahoollo va athu attheene.

Mateyu 2:11

Yavollowilliiwa mpa, yaamoona mwaanooyo ari ni amennya, Mariya. Vano yaakokhora emullapella. Yaattaphulla eyuumiiwa emuvaha emphaso dda golide, lubani* ni makhura a nthuko naphaama na mure.*

Mateyu 20:8

“Vano misikuwa nndduwa nivollowaka mwaneena a ematoolle amulleella kapitawaaye wi, ‘Owiithane allupa mutteko wi waavahe mallivellwiiwa, waambeella ni ayo yaalembiwe moomallihella nave omallihe ni ayo yaalembiwe moowaambeella.’

Mateyu 25:40

“Mi, mwene, kineerewaakhulla wi, ‘Ddawoona, kinimuulleellani wi kaambiiwa mwaamweerella mmodda a aakhwaaka naari ang'onong'onwaalla, mwaakeerella yeeyo miyaano.’

Mateyu 26:11

Vawi munnakhalla ni athu oohoowa mallapo mattheene koma khamukhalla ni miyaano mallapo mattheene.

Mateyu 27:55

Vaakhalla atthiyana anchichi yamoonella Yesu voorekama. Yaalla tti atthiyana yaamuthwanre Yesu ovenyera o Galileya emurumeyellaka.

Luka 24:10

Atthiyanaayo yaari Mariya Magadalena, Yohana ni Mariya amennya a Yakobo. Alliwaalla ni atthiyana amodda yaallota ddeko ddittheddenenndda wa amurummwa.

Yohane 12:6

Aallotille nndda ohiri kaambiiwa aanaapwatha ohoowa koma kaambiiwa aari mullupaawiiya. Olliye aari oosunga nthumba na makobiri nave aaniiyamo.

Mitteko 13:1

Mumpingoni wa Antiyokeya* waakhalla anamallotella ni ahuddihi alla: Baranaba, Simiyoni (ooromolliwa Ooripa), Lusiyo (oovenyera o Kurene), Manaene (oyo unnuwelle nimodda ni Herode)* ni Saulo.

2 Akorinto 8:9

Munnadduwella echisomo ya Apwiihu Yesu Khrisitu yawi addeera oohoowa ekaamba ya nyuwaano naari aari eeyuuma wi aweereni nyuwaano eeyuuma oyeella mu ohoowa waye.

Afilipi 4:22

Athu a Mulluku attheene wuno ennuuvahani mooni, makamaka ayo enakhalla mu enyumba ya Kaisara.*

1 Timoteo 5:10

Nave akhalle oovuwa ni mitteko ddaphaama, mutthiyana oyo aallenlle anaaye phaama, anawaakhella alleto phaama owaniwa, anaahapiha manyallo athu a Mulluku nave anaakavihera athu ayo eri mu ddoohoosa navettho aniivelleella va mitteko ddittheddene ddaphaama.