Luka 6:8 - Mawu a Mulluku

⁸ Yesu aadduwella maganizwiiwa nave allota wa muthooyo wi, “Ngawa wiimelle wuno wi arive muthu awooneke.” Sika muthooyo aavenya iimella vaavo.

Luka 6:8 Iomraidhean Croise

1 Epilli 28:9

Nave we Solomoni mwanaka, omudduwelle Mulluku a attiitthaawo nave omurumeyelleke ni murima muttheene ni okumaawo muttheene. Vawi Apwiya ennadduwella murima, maganizo ni minkhella dda arive muthu. Wawaashaasha oneerewaaphwanya koma waareya etulli eneerowutathilla wa enthawi yoohimalla.

1 Epilli 29:17

Nave kinnadduwella Mullukwaaka wi munneesa murima wa arive muthu nave munnahakallalla ni athu eechilungamo. Mu echilungamo ya murimaaka koovelleella ddittheddenenndda wa nyuwaano moohiwatiheriwa nave vano koowoona athwaanyu etthukumanille ovelleella wa nyuwaano mwa opaalla wiwa nave moohakallalla.

Yobu 42:2

“Kinnadduwella wi munnawora weera erive ello, kheyiivo yookukureyiha yoopaallaanyu.

Masalimo 44:21

ethiyo Mulluku khaaddiphwanye ddenndda? Vallethi annadduwella ddawiipittheya dda m'murimani.

Yesaya 42:4

Khafookella apaalle otathilla murima ophiyera ekeraatthihalle echilungamo va ellapo yavatthi, ellapo ddawoorekama ddinatiyerella malamulwaaye.”

Mateyu 9:4

Koma Yesu aadduwella maganizwiiwa sika ahaakoha wi, “Kaambiiwa tini munaganizeenyu ddeko ddoonanarannddo?

Mariko 3:3

Yesu aallota wa muthooyo wi, “Ngawa wuno wi arive muthu awooneke.”

Luka 13:12

Yesu amoonilleeye, aamwiithana allota wi, “Moowe, moottaphulliwa o eretaanyu!”

Luka 5:22

Yesu aadduwella maganizwiiwa, sika ahaakoha wi, “Kaambiiwa tini muniikoheenyu ddennddo m'murimani mwanyu?

Luka 6:9

Vano Yesu aallota wi, “Kinuukohani nyuwaano, malamulo enanaakhullella weera tini va nllapo na Sabata? Weera ddaphaama apaalle weera ddoonanara? Omvullusa muthu apaalle omwiipha?”

Yohane 2:25

Khavaapaalleyattho wi mmodda amulleelle dda yaayo kaambiiwa olliye yeekhaaye aadduwella mirima ddiwa.

Yohane 21:17

Yesu aamukoha waneeraru wi, “Simoni, mwaana a Yohane, onnakikonda miyaano?” Petro aamoriwa ethakaraka kaambiiwa Yesu aamukoha waneeraru wi, “Onnakikonda miyaano?” Sika aallota wi, “Apwiya, munnadduwella ddittheddene, munnadduwella wi kinnuukondani nyuwaano!” Yesu aallota wi, “Chihaka enkhosa ddaka.

Yohane 9:4

Ninaphwanella weera mitteko dda yooyo aakirumalle miyaano ori otthaana. Mahiiyu onimawa nave vano khaavo muthu anaawore ophara mutteko.

Mitteko 20:24

Koma nginapwatha dda eyo enaakeereyelle. Emoddave eyo kinapaalleemi tti yawi kimallihe muttekwaaka ni orumeyella kavahiweemi ni Apwiya Yesu wi keere, ollalleya othenga waphaama wa echisomo ya Mulluku.

Mitteko 26:26

Vawi mwene Agripa annadduwella ddeko ddenndda nave kinallota moottaphuwa ddiidda. Ddeko ddenndda kheddaaweereyille mwawiipittheya sika kheyiivo naari emodda eyo ehinadduwelliiwa.

Afilipi 1:28

Muhiwooveke adanaanyu mu erive ello vawi yeella eneerewaasimikizella wi eneerewoonongiwa nave nyuwaano muneerovulluwa kaambiiwa Mulluku sika anuuvulluseni.

Aheberi 4:13

Kheyiivo ello enavittheya vamiitthoni va Mulluku, ddeko ddittheddene ddinnakhalla vawooneya nave ddinnakhunuulliwa vamiitthoni vaye. Nave attheenehi ninaphwanella wi nimutthopoollelle mitteko ddahu.

1 Petro 4:1

Vawi Khrisitu mwiillaaye waahoosiwa, nyuwaanottho mwiillipiheke weekhiinyu ni maganizo amoddamoddave yaayo aariiyena kaambiiwa oyo mwiillaaye wahoosiwe oohiya ochimwa.

Yawuupullulla 2:23

Kineerowiiphattho oomuthwaraaye wi mipingo ddittheddene ddidduwelle wi miyaano kinnadduwella maganizo ni mirima dda arive muthu. Nave kineeromuthuva arive muthu moollikana ni mitteko ddaye.