Luka 6:6 - Mawu a Mulluku

⁶ Va nllapo na Sabata nimodda Yesu aavollowa mu enyumba yamavekello aahuddiha. Muthu a nnattanatta noorakalla aarittho mwemmo.

Luka 6:6 Iomraidhean Croise

1 Mamwene 13:4

Mwene Yerobowamu iiwalle ddennddo allota muthu a Mulluku dda nikuwa na Betele aattaphurusa nnatta naye allota wi, “Mphareni!” Nave nnatta anittaphurusalleeyenno nahumma wawi khaawonre onihokollosa.

Zekariya 11:17

“Otulli okhalle ni mbusa oohikhalla ni mutteko oyo anahiya enkhosa! Emukakathe ni nsupada va muwono ni va niittho naye na onnattanatta. Muwonwaaye onyaalle wunchichi nave niittho nayenno nikhalle noohoona wa enthawi yoohimalla.”

Mateyu 4:23

Yesu aheeteeta mu Galileya mutthemwene ahuddihaka mu enyumba ddamavekello* ni ollalleya othenga waphaama wa omwene navettho waachiriha athu oovoriiwa ereta ddittheddene ni ddoovoreya ddittheddene.

Luka 13:10

Va nllapo na Sabata Yesu aanahuddiha mu enyumba yamavekello.

Luka 14:3

Yesu ahaakoha ahuddihi a malamulo* ni Afarisi wi, “Malamulwaahu ennaakhullella omuchiriha muthu va nllapo na Sabata?”

Luka 4:16

Yesu aaya o Nazareti, nko allelliweeyewo nave va nllapo na Sabata aavollowa mu enyumba yamavekello moollikana ni mmo addollweellelleeye. Ahiimella eerenga mawu a Mulluku.

Luka 4:31

Nave Yesu aaya o Kaperenao, etawoni ya mu Galileya, wenko ahaahuddiha athu va nllapo na Sabata.

Luka 6:1

Nllapo nimodda na Sabata Yesu ni oohudderaaye yaheeta variyari va emata ddimodda dda tirigu. Oohudderaaye yahaamba okhoddolla makalla a tirigu, enatikitha ni mattiiwa nave enamucha tirigooyo.

Luka 6:5

Yesu aamallihella ni ollota wi, “Mi Mwaana a Muthu sika kiri mwaneena a nllapo na Sabata.”

Yohane 5:3

Mukhotemmo mwaakonaatthi athu oovoriiwa anchichi, amodda yaari oohoona amodda yaari ookhwa meto amodda oorakalla.

Yohane 9:16

Amodda a Afarisi yaallota wi, “Muthu amuchirihalloolla khe oovenyera wa Mulluku kaambiiwa khanathwara malamulo a nllapo na Sabata.” Koma amodda yaallota wi, “Muthu oochimwa ttuuwora mwawiidde weera ddoottikhiniha ddawi ddiidda?” Nave waari ovaanyihana mwa yaayo.