Luka 6:12 - Mawu a Mulluku

¹² Nllapo nimodda Yesu aawella m'mwaangoni wi avekelle nave aakhallawo mahiiyu avekellaka wa Mulluku.

Luka 6:12 Iomraidhean Croise

Masalimo 22:2

Mullukwaaka kinnawiithanani orive otthaana koma khamunakaakhulla, kinnawinllellani orive mahiiyu koma nginoopiwa ephevo.

Yesaya 26:9

Murimaaka onnawuupuwellani mahiiyu mattheene, munepaaka muwarimmu onnawaashaashani. Nyu mwaaweeruzaka ellapo yavatthi, attheene ookhallamo ennahuddera echilungamo.

Daniele 6:10

Daniele iiwalleeye wi lamulonna nookeraatthihiwa aavollowa mpa mwaye. Mu echipindaaye yavaddullu mwaakhalla mawindo ooweha o Yerusalemu. Nave mwemmo aanakokhora vatthi oraru vanllaponi anavekella ni omutitimiha Mullukwaaye moollikana ni mmo eerelleeye khalle.

Mateyu 5:1

Yesu oonilleeye mulloko wa athoolle, aawella vamwaangoni akeraatthi. Oohudderaaye yaamutthukumanella olliyooyo.

Mateyu 6:6

Koma weyaano waavekellaka vollowa mu echipindaawo yawiipittheya, owalle nchiwi, vano ovekelle wa Attiittho ayo ehinooneya. Vano Attiittho awoona ddawiipittheya eneerewuuthuva.

Mariko 1:35

Ohinase nndduwa nihinakhume Yesu aavenya akhuma mpammo. Aaya onipuroni nayeekha nave wenko aamavekellawo.

Mariko 3:13

Vano Yesu aawella m'mwaangoni addiithanella athu ayo aapanlleeye. Nave yaawa wa olliyooyo.

Mariko 6:46

Aallaanyille athwaayo, aawella m'mwaangoni wi avekelle.

Luka 5:16

Koma aanaya onipuroni nayeekha, avekellaka.

Luka 6:11

Ahuddihi a malamulo ni Afarisi yaasha murima yaamba okambirana yawi emweerelle Yesu.

Luka 6:17

Yesu akitthalleeye m'mwaangonimmo ni amurummwaayo, ahiimella muhito mwa mwaango ni mulloko muullupalli wa oohuddera. Mulloko muullupallittho wa athu oovenyera mu Yudeya mutthemwene ni o Yerusalemu ni mukhwipi mwa enyanja mmo mwaari mizinda dda Tiro ni Sidoni yaari vaavo.

Luka 9:18

Nllapo nimodda Yesu avekelleeye yeekhaaye oohudderaaye yaawa wa olliye nave ahaakoha wi, “Athu enallota wi miyaano kiri aani?”

Luka 9:28

Viviralle mallapo matthanu ni mararu allotille ddenndda, Yesu ahaakusa Petro, Yohane ni Yakobo awellana vaddullu va mwaango wi yavekelle.

Luka 9:29

Avekellaka, wooneya wa ekhovaaye waatthattuwa nave ddoowara ddaye ddaatthattuwa ddikhalla ddaweella mbee.

Yohane 6:3

Vano Yesu aawella mwaango akeraatthi vatthi ni oohudderaaye.

Akolose 4:2

Vekellani moohihiyerera, muwehereke mwaavekellaka nave mumuthokozeke Mulluku.

Aheberi 5:7

Mu okumaaye va ellapo yavatthimva, Yesu m'mavekelloni mwaye ahinlla mookhuwa nave moomoriha miitthori wa Mulluku, oyo aarina masiva oomuvullusa wuukhwaani. Kaambiiwa ahiivelleella ni wiiyeviha, Mulluku ahiiwa mavekellwaaye.

1 Samuele 15:11

“Kinamoriwa ethakaraka vawi kaamuvaha omwene Saulo. Oohokollweella mutulli ohiya okithwara miyaano vohiiwellellani malamulwaaka.” Samuele aasha murima nave ahinllella wa Apwiya mahiiyu mattheene.