Luka 5:12 - Mawu a Mulluku

¹² Enthawi emodda Yesu aari mu etawoni mmo mwaari muthu mmodda amakate. Amoonilleeye Yesu, aamukokhorella amuveka wi, “Apwiya, mwaapaallaka, ttuuwora okeelliha!”

Luka 5:12 Iomraidhean Croise

Genesis 18:14

Ethiyo yookhallavo ello yoolepheleya weeriwa ni Apwiya? Sika va enthawiine, kineereweera nndda kilonjezilleemi nave Sara aneeromuyara mwaana aamullopwana.”

1 Mamwene 18:39

Vano athu attheene yoonille ddennddo yaamoriha ekhove ddiwa vatthi ellota mookhuwa wi, “Apwiya sika Mulluku! Apwiya sika Mulluku!”

2 Mamwene 5:1

Naamani aari akhoto muullupalli a mulloko wa mwene a o Siriya. Olliye aari muthu oororomelleya wunchichi ni ookondiwa ni apwinnya ekaamba yawi akhotwaaye yaanaagonjiha akhwiiwa vawi Apwiya yaanamuhoollella. Naamani aari muthu amasiva ni oollipa murima koma aari amakate.

2 Mamwene 5:27

Sika vano makate a Naamani eneerewuwanddeellella ni edduullu ddawo wa enthawi yoohimalla.” Sika Gehazi aakhuma mpammo ari ni makate awi puu wonanko ntuura.

2 Mamwene 7:3

Enthawi yeeyo vaakhalla athu asese amakate ayo yakhalla voovollowella. Alliwaayo yahaamba okohana wi, “Kaambiiwa tini nikeraatthelleehu mva ninatiyerella okhwa?

1 Epilli 21:16

Vano Davide aatukhulla miitthwaaye nave aamoona mungelo a Apwiya iimenlle variyari va ellapo yavatthi ni ellapo yooddullu. Nave m'mattani mwaye mwaari nsupada anitukhunlle onitthoonyihera o Yerusalemu. Vano Davide ni attekweene amodda yaawara ddoowara dda eziguduli, ewarama ni opopheya ekhove.

Masalimo 50:15

Muvekelle wa miyaano va nllapo na ddookatamiha, miyaano kineerewuuvullusani nave muneerokititimiha.”

Masalimo 91:15

Akiithana, kineeromwaakhulla, kineerokhalla ni olliye enthawi ya ddoohoosa, kineeromwaakiha ni omuvaha olemu.

Eksodo 4:6

Apwiya yaamulleellattho Mose wi, “Ngavollochiha nnatta nawo m'mukanjonimmo.” Olliye aanivollochiha koma anikhumiheeye, naakhalla ni makate, naateellella wonanko ntuura.

Levitiko 13:16

Koma makhwataayo yatthattuwattho aweella, muthu oovoriiwooyo aye wa mullupa mukutho.

Levitiko 9:24

Nave Apwiya yaakhariha munllo oshellelliha mukutho wooshellelliha ni makhura nnddo ddaari vanikuwanimvo nave athu yoonilliiwa munllooyo, yaakhuwa emora ekhove ddiwa.

Mateyu 26:6

Yesu aari o Betaniya mpa mwa Simoni, muthu amakatoolle.

Mateyu 9:28

Yesu avollowille mpa, athu eelli oohoonaalle yaawa nave ahaakoha wi, “Munnakhulupilila wi miyaano ttuuwora wuuchirihani?” Yahaakhulla wi, “Ee, Apwiya!”

Mariko 5:23

Aamuvekesesa wi, “Mwanaka aamutthiyana ari vakhuviru okhwa. Pepaani, muwe mwiiyaatthi mattaanyu va olliyooyo wi achirihiwe nave akhalle mukumi!”

Luka 17:16

Aakokhora vakhuviru ni Yesu amuthokoza. Muthu yoolla aari Musamariya.*

Luka 5:13

Yesu ahookolla nnatta, amuttannya nave allota wi, “Kinnapaalla, ellihiwa!” Nave enthawi yeeyo aheellihiwa o makataaye.

Deuteronomo 24:8

“Yuumorellani ereta ya makate, mooneseseke wi munnathwara malangizo mattheene ayo kiwinnyalleemi allupa mukutho Aalevi ayo enuulleelleewani.

Aheberi 7:25

Nave sika annawora, ollello ni mallapo mattheene waavullusa ayo enawa wa Mulluku oweella mwa olliye vawi ookhalla ni okumi woohimalla wi aavekellelleke athu wa Mulluku.

Yoswa 5:14

Muthoolle ahaakhulla wi, “Mi tti oohoollella a mulloko wa akhoto wa Apwiya wuno.” Sika Yoswa ahiimoriha moopopheya vatthi ekhove allota wi, “Apwiya miyaano kiri oorumeyellaanyu. Vano munapaalla keere tini?”