Luka 4:42 - Mawu a Mulluku

⁴² Ohinase Yesu aavenya o etawoninko nave aya vanipuroni nayeekha. Athu yaamwaashaasha nave yamphwanyilliiwa, yaapaalla omutchinga wi ahaavenyerevottho.

Luka 4:42 Iomraidhean Croise

Mariko 1:45

Koma muthooyo aavenyavo nave ahaamba ollotallota wa athu avuwiha epilli virive veko. Sika Yesu khaworille ovira vawooneya ni athu m'matawoni koma akhanlle m'mapuroni ayeekha otte wa matawoni. Koma athu yaawa ovenyera m'mapuroni manchichi oohiyanahiyana.

Luka 24:29

Koma alliwaayo yaamuwatihera wi, “Mukhalle ni hiyaano wuno vawi nndduwa nimmavollowa nave wohaamba khalle oripa.” Sika aavollowa akhalla ni alliwaayo.

Luka 6:12

Nllapo nimodda Yesu aawella m'mwaangoni wi avekelle nave aakhallawo mahiiyu avekellaka wa Mulluku.

Yohane 4:34

Koma Yesu aallota wi, “Yoochaaka tti yawi keere opaalla wa oyo aakirumalle ni omalliha mutteko aakivahilleeye wi keere.

Yohane 4:40

Sika Asamariyaalle yaphiyalliiwa wa olliye, yaamuveka wi akhalle ni alliwaayo nave aakhallawo mallapo meelli.

Yohane 6:24

Athwaalle yoonille wi Yesu khaavo ni oohudderaaye kheyiivo, yaawella ekallawanndde eya o Kaperenao woomwaasha Yesu.