Luka 4:34 - Mawu a Mulluku

³⁴ Nave aakhuwa moollipiha wi, “Aa! Nuullikalleni tini nyuwaano Yesu a o Nazareti? Munapaalla wi muniiphe hiyaano? Miyaano kohuudduwellani wi nyuwaano tti Aweella a Mulluku!”

Luka 4:34 Iomraidhean Croise

Genesis 3:15

“Kineeroweeriha weyaano ni mutthiyana wi mwiitane nave vineerokhalla wiitana wunchichi variyari va edduullu ddawo ni edduullu dda mutthiyanooyo. Edduullu ddaye ddineeronyenya murwaawo nave weyaano eneerolluma etotopwa ya edduullu ddaye.”

1 Mamwene 17:18

Naamukhwellooyo aamukoha Eliya wi, “Nyu muthu a Mulluku, ethiyo kuulakwelleni tini? Ethiyo muwiille wa miyaano wi mumuupuse Mulluku machimwaaka ni okiiphella mwanaka?”

Masalimo 16:10

Miyaano oororomelleyaanyu, khamukihiya o ellapo ya ookhwa, khamwaakhullella wi kuntelle mu mahame.

Daniele 9:24

“Miyakha 70 waatiha otthanu ni opiilli ddaakeraatthihiwa wi athwaawo ni muzindaawo waweella ehiye ddeekuku ni machimo. Epepeselle machimo wi echilungamo yoohimalla ephiye. Vano nndde woonilleewe m'masomphenya navettho nnddo ddallotelliwe ddineereweereya nave nipuro naweellesesa nineerokeraatthihiwattho.

Mateyu 8:29

Nave yaakhuwa wi, “Nuullikalleni tini nyuwaano, Mwaana a Mulluku? Moowa wuno wi munillake ehinakwakhwane enthawi eyo Mulluku atthoonlleeye wi athu ellakiwe?”

Mariko 1:24

Nave aakhuwa moollipiha wi, “Aa! Nuullikalleni tini nyuwaano Yesu a o Nazareti? Munapaalla wi muniiphe hiyaano? Miyaano kohuudduwellani wi nyuwaano tti Aweella a Mulluku!”

Mariko 1:34

Yesu ahaachiriha athu anchichi yavoriiwalle ereta ddoohiyanahiyana. Aakhumihattho minepa ddoonanara ddinchichi koma khaaddaakhullenlle wi ddillote ello kaambiiwa ddaamudduwella.

Mariko 5:7

Nave aakhuwa wi, “Yesu, Mwaana a Mulluku Muullupalli! Nuullikalleni tini nyuwaano? Ekaamba ya Mulluku, kinimuuvekani, muhikillake miyaano!”

Luka 1:35

Mungelooyo ahaakhulla wi, “Munepa Waweella aneerophiya va weyaano nave masiva a Mulluku Muullupalli eneerewuuhuruwella. Ekaamba ya yeella, mwaana ooyariwooyo anaakhalle Aweella nave aneeroromolliwa wi Mwaana a Mulluku.

Luka 4:33

Vano mu enyumba yamavekellwiiwa mwaawa muthu ookhalla ni munepa woonanara.

Luka 4:41

Minepa ddoonanarattho ddaakhuma mwa athu anchichi, ddikhuwaka wi, “Nyu tti Mwaana a Mulluku!” Koma Yesu aaddisimwella minepa nnddo wi ddimaalle vawi ddaanamudduwella wi olliyooyo tti Mesiya* allotelliwe khalle.

Luka 8:28

Amoonilleeye Yesu, aakhuwa akokhora vamiitthoni vaye nave aallota mookhuwa wi, “Yesu, Mwaana a Mulluku Muullupalli! Nuullikalleni tini nyuwaano? Kinimuuvekani, muhikillake miyaano!”

Luka 8:37

Vano athu attheene a o echigawonko yaamuveka Yesu wi avenyewo kaambiiwa yaamoova wunchichi. Sika Yesu aawella ekallawa wi ahokollweelleke okhopella.

Mitteko 16:39

Sika yaayaawo yaapepesa Paulo ni Silaayo nave yahaakhumiha mundendemmo navettho yaaveka wi evenyemo m'muzindanimmo.

Mitteko 2:27

kaambiiwa kinnakhulupilila wi khamukihiya o ellapo ya ookhwa, nave khamukihiya mi oororomelleyaanyu aweella wi kuntelle mu mahame.

Mitteko 3:14

Mwaamukhoota oyo aari aweella ni oolungama nave mwaamuveka Pilato wi uuttaphullelleni muthu awiipha.

Mitteko 4:27

Vawi tti ddawoona wi mwene Herode* ni oolamulella Pontio Pilato yaatthukumana m'muzindani mulle ni athu oohimullapella Mulluku navettho athu a o Israele ollipana ni Yesu, oorumeyellaanyu aweella, oyo mwamuzozilleenyu wi akhalle Mesiya.

Aheberi 2:14

Vawi anamwanaayo tti athu a mwiilli ni nikhame, Yesu mwaneenaaye aawa akhalla wonanko alliwa akawanana omuthwiiwa. Aheera ddenndda wi mwa okhwa waye amoononge Satana oyo arina masiva oowiiha okhwa,

Yakobo 2:19

Weyaano onnakhulupilila wi Mulluku tti mmoddave, onneera phaama. Naarithi minepa ddoonanara ddinnakhulupililattho nave ddinnatthukumella.

1 Yohane 3:8

Oyo anavirellella ochimwa anakhalla a Satana kaambiiwa Satana aachimwa ovenyera vawaamba. Mwaana a Mulluku ahooneya ekaamba ya yeella wi oononge eyo yeeriwe ni Satana.

Yawuupullulla 20:2

Aaphara enowa yuullupalleelle, enowa yakhalleelle yooromolliwa mdiyerekezi apaalle Satana, amumaka ni onyoloolle wa miyakha 1,000.

Yawuupullulla 3:7

“Omulembelle oohoollella a mpingo wa o Filadelfiya wi, “Alla sika mawu oovenyera wa oyo ari aweella ni awoona, oyo arina makiiyi a olamulello a Davide nave ahulla nchiwi khaavo muthu anaawore owalla navettho awalla khaavo muthu anaawore ohulla awi,