Luka 4:22 - Mawu a Mulluku

²² Athu attheene yaallota ddaphaama dda olliyooyo nave voottikhinani ni mawu oophara murima ayo aallotilleeye, yaallota wi, “Olla khe mwaana a Yosefe?”

Luka 4:22 Iomraidhean Croise

Masalimo 45:2

Nyuwaano tti ooreera waakhwaranya akhwiinyu attheene, vayanoni vanyu vinnakhumiha ddaphaamave. Ella sika ekaambiiwa Mulluku uudalisalleeyeni wa enthawi yoohimalla.

Masalimo 45:4

Oneyani mu oriiheya wanyu, muteteze yawoona, wiiyeviha ni echilungamo, nnatta nanyu noonihe mitteko ddanyu ddawoopiha.

Miyambo 10:32

Muwano mwa oolungama munnadduwella ddoohakallalliha koma vayanoni va athu oonanara vinnakhuma ddookhoromana.

Miyambo 16:21

Muthu eezeru anneeriwa awiiwesesa nave ollota waye wooddiva onnaakhullelliwa.

Miyambo 25:11

Mawu oollotiwa phaama tti wonanko yooreera ya golide mu echipangizo ya siliva.

Oollalleya 10:12

Mawu a muthu eezeru ennamuvahiha olemu koma a muthu ookarangeya ennamoononga.

Nchipo na Solomoni 5:16

Muwano mwaye tti moonang'aneyesesa, ddawoona, olliye tti oosilileyesesa. Olla tti ookondiwaaka, tti mukhwaaka a vamurimani, nyu anamwalli a o Yerusalemu.

Yesaya 50:4

Apwiya Mulluku aakihuddiha ddoophwanella ollota wi kidduwelle mawu owaallipiha murima oofooka. Orive ohinase ennakivenyiha, ennaandusa maarwaaka wi kiiwe wonanko aneerella muthu oohuddera.

Luka 2:47

Attheene yamwiiwalle yaattikhina ni waakhulla waye wa ezeru.

Luka 2:48

Makhollwaaye yamoonilliiwa yaattikhina nave amennya yaamukoha wi, “Mwanaka, weerelle tini ddenndda? Attiittho ni miyaano naanakhupanya dda weyaano nawaasheewe.”

Luka 21:15

Vawi kineerewuuvahani yoollota ni ezeru ddawi naari adanaanyu khewora okhoota apaalle wuuvaanyihani.

Luka 4:21

Nave ahaamba waalleella wi, “Mawu a Mulluku muwiiwalleenyu keerengaka ollellwaalla aakwakhwanihiwa.”

Yohane 1:45

Vano Filipo aamuphwanya Natanaele nave aamulleella wi, “Noomuphwanya oyo malamulo a Mose ni ehuddiho ya anamallotella yamwaakiiwa. Tti Yesu a o Nazareti, mwaana a Yosefe.”

Yohane 6:42

Yaallota wi, “Olliyoolla khahiyo Yesu, mwaana a Yosefe? Ninnaadduwella attiitthinnya ni amennya. Vano anallotella tini wi, ‘Kakitthalle ovenyera oddullu?’ ”

Yohane 7:46

Akhotwaalle yahaakhulla wi, “Khaavo anallota wonanko muthu yoolla!”

Mitteko 6:10

Koma kheyaaworille ollipana ni ezeru nnddo Sitefano avahiweeye ni Munepa Waweella mu ddoollota ddaye.

Tito 2:8

Mawaawo ekhalle awoona wi ehivaanyihiwe. Vano wi adanaawo ewulliwe muru nave ehikhallena yoonanara yoonillotella hiyaano.