Luka 3:16 - Mawu a Mulluku

¹⁶ Sika Yohane ahaalleella attheenaayo wi, “Kinuubatizani ni maaddi koma animawa mmodda muullupalli ookikhwaranya miyaano. Ngiphwanenlle naari ottaphulla mikwe dda esapato ddaye. Olliyooyo aneerewuubatizani ni Munepa Waweella ni munllo.

Luka 3:16 Iomraidhean Croise

Miyambo 1:23

Apellani maaru kaawuuhumullullakani vawi kinapaalla wuulleellani ddiri m'murimani mwaka nave mudduwelle maganizwaaka.

Yesaya 32:15

Koma Apwiya eneeronirumihella munepiiwa ovenyera oddullu nave echipululu eneerotthattuwa ellapo ya ethaya yaphaama, emata ddittheddene ddineerewimma ddeko ddinchichi.

Yesaya 4:4

Vaavo Apwiya enaakhalle yaahapihalle athu a o Ziyoni ni ovenyihavo ddoonanara ddiwa nave enaakhalle ehuwalle nikhame nno nahelliwe mu Yerusalemu. Eneere ddenndda ni munepa waweeruza ni waweelliha ni munllo.

Ezekiele 36:25

Kineerewuumiddani maaddi aphaama wi mweelle o ddittheddene ddawuuripihani. Navettho kineeroweellihani voovenyihani mafanwaanyu mattheene.

Zekariya 13:9

Athu ayo enaahalle ni okumi kineerewaahiya viikho ni oweelliha wonanko enamweellihelliiwa siliva. Kineerewaayeza wonanko eneerelliiwa ni golide. Sika eneerewiithana mu nnddina nave kineerowaakhulla. Kineerewaalleella wi alliwa tti athwaaka nave eneerewaakhullella wi mi Apwiya tti Mullukwiiwa.”

Mateyu 3:11

“Kinuubatizani ni maaddi wooniha wi moorukunuwa murima koma oyo anaawe mutulli mwaka tti muullupalli ookikhwaranya miyaano. Ngiphwanenlle naari otukhulla esapato ddaye. Yoolla aneerewuubatizani ni Munepa Waweella ni munllo.

Mateyu 3:12

Ookusa etthello m'mattani mwaye wi amuveethe tirigu. Aneeromuhella tirigwaaye mukhokweni mwaye; koma aneerowoosa mallullaayo vamunlloni woohithiima.”

Yohane 1:26

Yohane ahaakhulla wi, “Kinuubatizani ni maaddi koma variyari va nyuwaano vohiimella muthu mmodda muhinamudduwelleenyu.

Yohane 1:27

Animawa mutulli mwaka nave miyaano ngiphwanenlle naari ottaphulla mikwe dda esapato ddaye.”

Yohane 1:33

Miyaano ngaamudduwenlle wi aari wonanko aani koma Mulluku oyo aakirumihalle wi kibatize ni maaddi, aallota wa miyaano wi, ‘Oneerewoona Munepa Waweella akitthaka nave aneerokhalla va muthu. Yooyo sika anabatiza ni Munepa Waweella.’

Yohane 7:38

Nave muthu anakikhulupilila miyaano awirye wonanko mmo mawu a Mulluku enallotiiwa wi, ‘Mihinje dda maaddi ookumi ddineerokhuma ovenyera mwa muthu yooyo.’ ”

Mitteko 1:5

Vallethi Yohane aabatiza ni maaddi koma vihinavire mallapo manchichi muneerobatiziwa ni Munepa Waweella.”

Mitteko 10:44

Vano Petro allotakave ddiiddo, Munepa Waweella aakitthella va attheene yiiwella othengaayoolle.

Mitteko 2:33

Aawellihiwa oddullu akhalla onnattanatta na Mulluku, Attiitthinnya nave ohaakhella Munepa Waweella ovenyera wa olliye moollikana ni mmo alonjezilleeye khalle. Munooneenyu ni wiiwanndda tti Munepa Waweella anivahilleeye.

1 Akorinto 12:13

Emoddamoddave yeeyo, hiyaano attheene naari niri Ayuda apaalle athu nihiri Ayuda naari niri akaporo apaalle nihiri akaporo, noobatiziwa ni Munepa mmodda okhalla mwiilli mmodda nave noovahiwa Munepa mmoddamoddave yooyo.