Luka 23:5 - Mawu a Mulluku

⁵ Koma athwaayo yaallipihellave ollota wi, “Ni ehuddihwaaye annaweeriha athu a mu Yudeya mutthemwene wi ewukile. Aambeelle o Galileya, vano ari wuno.”

Luka 23:5 Iomraidhean Croise

Masalimo 22:16

Athu eekuku aakaapheella wonanko enama ddamuhakani, aaphovolla mattaaka ni manyallwaaka.

Masalimo 57:4

Kinakhalla variyari va athu oowalli ayo enakhalla wonanko mikango. Miinwiiwa tti wonanko mavaka ni mipaamba, nllumi niwa niri wonanko nsupada nawiisha.

Masalimo 69:4

Athu ookiita voohikhalla ekaamba tti awaata okhwaranya meehi a m'muruni mwaka. Athu oopaalla okoononga tti amasiva, okinanariha ni ddawoottha ddiwa. Ethiyo kihokollose nnddo kihiiyalleemi?

Mateyu 11:1

Yesu amallihalle waalangiza oohudderaaye khumi ni eellaalle, aavenyawo wenko nave aaya woohuddiha ni ollalleya m'matawoni a wenko.

Mateyu 2:1

Yesu ayariweeye mu etawoni ya Betelehemu mu echigawo ya Yudeya, mwene a ellapweeyo aari Herode.* Enthawi yeeyo athu oohuddera dda etheneeri oovenyera wookhuma nndduwa yaaphiya m'muzindani wa Yerusalemu.

Mateyu 27:24

Pilato oonilleeye wi khaphuravo ello vawi vaakhalla mapokoso, aakusa maaddi anawa m'mattani vamiitthoni va athwaayo allota wi, “Mi nginna mullatu va nikhame na muthu yoolla, muddoonelle nyookha!”

Mateyu 4:23

Yesu aheeteeta mu Galileya mutthemwene ahuddihaka mu enyumba ddamavekello* ni ollalleya othenga waphaama wa omwene navettho waachiriha athu oovoriiwa ereta ddittheddene ni ddoovoreya ddittheddene.

Mariko 1:14

Yohane amakiwe, Yesu aaya o Galileya nave aallalleya othenga waphaama wa Mulluku.

Luka 11:53

Nave Yesu akhumalleeye mpammo, ahuddihi a malamulo ni Afarisi yaamushella murima wunchichi sika yahaamba omukoha makoho manchichi.

Luka 23:23

Koma athwaayo yaavirellellave okhuwa wi Yesu atthomeyiwe vamutandani nave omamallihelloni wene yaamugonjiha Pilato ni okhuwa wiwanko.

Luka 23:6

Pilato ahiiwa ddenndda, aakoha wi, “Muthu yoolla tti a o Galileya?”

Yohane 1:43

Osaka wene Yesu aapaalla oya o echigawo ya Galileya. Aamuphwanya Filipo,* amulleella wi, “Kithware!”

Yohane 19:15

Yaakhuwa wi, “Mwiipheni! Mwiipheni! Mutthomeyeni vamutandani!” Pilato ahaakoha wi, “Munapaalla kimutthomeye vamutandani mwenaanyu?” Allupa mukutho uullupalli yahaakhulla wi, “Hi khaninna mwene mmodda koma Kaisarave.”

Yohane 2:11

Yesu aheera ddoottikhiniha ddawaambanndda o Kana o Galileya. Wenko ahuupullulla ntitimiho naye nave oohudderaaye yaamukhulupilila.

Yohane 7:41

Amodda yaallota wi, “Olla sika Mesiya!” Koma amodda Yaallota wi, “Mesiya khavenyera o Galileya.

Yohane 7:52

Yaamwaakhulla olliye wi, “Wettho onavenyera o Galileya?” Huddera mawu a Mulluku nave oneerodduwella wi khaavo namallotella anavenyera o Galileya.

Mitteko 10:37

Munnadduwella dda ello yeereye mu ellapo ya Israele, waambeella mu Galileya vatulli va obatizo woollalleyiwa ni Yohane.

Mitteko 23:10

Nave owananko wahunnuwa wawi oolamulelloolle ahoova wi Paulo aneerewiiphiwa moowaakanelliwa. Sika ahalamulella akhotwaaye wi eye yamuvenyihevo vamullokonimvo wi eweena onipuroni wiwa.

Mitteko 5:33

Athu a va nthato namillatu yiiwalliiwa yeella, yaananariwa wunchichi wawi yaapaalla owiipha amurummwa.

Mitteko 7:54

Attekweene a va nthato na millatwaayo yiiwalliiwa mawu a Sitefanooyo, yaasha murima navettho yaananariwa.

Mitteko 7:57

Attekweene a va nthato namillatu yaakhuwa ni mawu oowella nave yaatiyella m'maaruni mwiiwa ni matta. Vano attheenaayo vamodda yaamuthamakella.