Luka 23:4 - Mawu a Mulluku

⁴ Vano Pilato aallota wa allupa mukutho uullupalli ni mulloko waathwaayo wi, “Nginaphwanya mullatu wawi kimwiipe muthoolla.”

Luka 23:4 Iomraidhean Croise

Mateyu 27:19

Vano Pilato akeraatthille vampandoni wooweeruzella mwaariye aarumiha wa olliyooyo mawu awi, “Muheere ello ni muthu oolungamoolla vawi mahiiyu koohoowa muullohani ekaamba ya yoolla.”

Mariko 15:14

Nave Pilato ahaakoha wi, “Eerille tini yoonanara?” Koma yaakhuwa moollipiha wi, “Mumutthomeye vamutandani yooyo!”

Luka 23:22

Pilato ahaakohattho waneeraru wi, “Achimwalle mullatu wawiidde? Nginamuphwanyella mullatu woophwanella wi iiphiwe! Kineeromuwashulla kimuhiye aroweke.”

Yohane 18:38

Pilato ahaakoha wi, “Vano yawoona tti tini?” Nave aallotilleeye ella, Pilato aayattho wa Ayuda allota wi, “Nginamphwanyana orive mullatu.

Mitteko 25:25

Koma nginaphwanya wi oheera ello yoophwanella wiipiwana mullatu woowiiphiwana. Vawi yeekha aaveka wi mullatwaaye wiipiwe ni Kaisara. Sika kaaganiza wi kimurumihe.

Mitteko 3:13

Mulluku a Abrahamu, Mulluku a Isaki ni Mulluku a Yakobo, Mulluku a makhollwaahu, aamutitimiha Oorumeyellaaye, Yesu, voomuchirihani muthoolla. Koma Yesu yoolla mwaamuvelleella wa oolamulella navettho mwaamukhoota vamiitthoni va Pilato naari Pilato apaallille wi amuttaphulle.

Aheberi 7:26

Vano Yesu sika mullupa mukuthwaahu muullupalli oyo anakwakhwaniha ddoopaalla ddahu. Olliyooyo tti aweella, oohikhalla ni machimo nave aahiyanihiwa ni athu oochimwa nave aawellihiwa oya oddullu.

1 Petro 1:19

Koma mwahoopolliwa ni nikhame noowallamella na Khrisitu oyo aari wonanko mwaanaankhosa oohikhalla ni nipamba naari oohirakalla.

1 Petro 2:22

Olliye kheerille nirive nichimo nave muwano mwaye khamwaavenyenre erive yawoottha.

1 Petro 3:18

Vawi Khrisitu, muthu oolungama, aakhwa omoddave mu nipuro mwa oochimwa ekaamba ya ddoochimwa dda amodda wi uuhoollelleni wa Mulluku. Ahiiphiwa mwa mwiilli nave aakhalla mukumi mwa Munepa.