Luka 21:10 - Mawu a Mulluku

¹⁰ Ahaalleellattho wi, “Mutundu ni mutundu mmodda oneerekowana navettho omwene ni omwene omodda oneerekowana.”

Luka 21:10 Iomraidhean Croise

Yesaya 19:2

Apwiya enallota wi, “Vano kineeroweeriha Aiguputo wi ewaneke anayaayove. Mmbale anaawaneke ni mbalaaye, muzinda onaawaneke ni muzinda mukhwiiwa navettho omwene onaawaneke ni omwene okhwiiwa.

Zekariya 14:13

Nllapo nenno Apwiya eneerowaapheelliha muru athu ni woova wunchichi ophiyera arive muthu aneeropharaana ni mukhwaaye ni waamba owana anayaayove.

Mariko 13:8

Mutundu ni mutundu mmodda oneerekowana navettho omwene ni omwene omodda oneerekowana. Navettho oneerokhalla echivomerezi virive veko owaaka ettalla. Ddeko ddittheddenenndda ddinaakhalle wonanko ddoovoreya ddawaamba mwaana aayariwaka.

Luka 21:11

Navettho oneerokhalla ezivomerezi ddawoopiha owaaka ettalla ni millilli m'mapuroni moohiyanahiyana. Oneerokhallattho ddeko ddawoopiha ni ezizindikiro dduullupalli oddullu.

Luka 21:9

Nyuwaano mwiiwa dda ekhoto ni owana, muhinahoowa m'murimani mwanyu vawi tti ddoophwanella wi ddeereye koma emallihello khenaphiye.”

Mitteko 11:28

Mmodda a anamallotellaayo nnddina naye aari Agabu aallotella ni masiva a Munepa Waweella wi ettalla yawoopiha eneerophiya va ellapo yavatthi ettheene. (Nndda ddeereyille Klaudiyo aariiye oolamulella a o Roma)

Aheberi 12:27

Mawu awi, “wiilli” enattaphullella wi ddeko nnddo Mulluku aphatusalleeye, nnddo ddinatikheya, ddineerovenyihiwavo koma ddeko ddoohitikheya ddineerokhallavo wa enthawi yoohimalla.