Luka 21:1 - Mawu a Mulluku

¹ Yesu awehilleeye wa athu yamwaapheenllaayo aawoona athu eeyuuma yaari mu enyumba ya Mulluku emorihellaka moosungellamo ddoovelleella ddiwa.

Luka 21:1 Iomraidhean Croise

1 Mamwene 14:26

Ahaakha eyuuma ya o enyumba ya Apwiya ni ya o enyumba yoomwene. Aakusa ddeko ddittheddene naarittho ezishango ddagolide nnddo mwene Solomoni apangilleeye.

2 Mamwene 12:9

Vano Yehoyada mullupa mukutho aakusa nibokosi, aphovolla va yookhuneelliiwa, anihiya vakhwipi va nikuwa onnattanatta wa arive muthu oovollowa mu enyumba ya Apwiya. Allupa mukutho ayo yaari va mullako yaanavokhellamo makobiri mattheene ayo athu yawaneewana o enyumba ya Apwiya.

2 Mamwene 24:13

Ahaakha eyuuma ettheene ya o enyumba ya Apwiya ni ya o enyumba yoomwene Ahoononga eziwiya ddittheddene ddagolide dda o enyumba ya Apwiya nnddo Solomoni mwene a o Israele addipangilleeye.

2 Epilli 36:18

Nave eziwiya ddittheddene dduullupalli ni dding'onong'ono ni eyuuma ya enyumba ya Mulluku ni eyuuma ya mwene ni ya enduna ddiwa, ddittheddenenndda aawaana o Babiloni.

Nehemiya 13:13

Nave ayo kaatthoolleemi wi ekhalle oosunga eyuuma o ezipinda ddoosungellamo ddeko yaari Shelemiya mullupa mukutho, Zadoki namalembella, Pedaya mmodda a Alevi navettho oowaakavihera nnddina naye Hanani mwaana a Zakuri, mwaana a Mataniya vawi yaari oororomelleya. Muttekwiiwa waari wowaakawella ddeko Alevi akhwiiwa.

Mateyu 27:6

Allupa mukutho uullupalli yaatota makobiraalle ellota wi, “Malamulwaahu khenanakhullella ohiya makobiri awi ddiidda ni makobiri a mu enyumba ya Mulluku kaambiiwa tti a nikhame.”

Luka 20:47

Ennaachella anaamukhwelle ni waakusella katundwiiwa naari enyumba ddiwa ddene, vawaamarani athu muyeepe owiitthoni ni mavekello oorekama. Ollakiwa wiwa oneerokhalla wuullupalli waakhwaranya athu amodda!”

Yohane 8:20

Yesu aallotille nndda ahuddiheeye mu enyumba ya Mulluku vakhuviru ni moosungellamo ddoovelleella. Nave khaavo muthu amphanre kaambiiwa enthawaaye yaari ehinaphiye.

Yoswa 6:19

Koma ddittheddene ddasiliva ni ddagolide navettho ezipangizo ddittheddene ddamukuwa ni ddamikoko ddikhalle ddoopatuleya dda Apwiya, ddiye moosungellamo eyuuma ya Apwiya.”

Yoswa 6:24

Vano yaahella munllo muzindooyo nave erive ello yaari mwemmo yaasha. Koma ddeko nnddo ddapangiwe ni golide, siliva navettho ezipangizo ddamukuwa ni ddamikoko nnddo yaddikusalliiwa yaaddisunga moosungellamo eyuuma ya mu enyumba ya Apwiya.